Kerfisstjóri í notendaþjónustu á Sauðárkrók

Við leitum að glaðlyndri, ábyrgri og áhugasamri manneskju í starf kerfisstjóra í notenda- og útstöðvaþjónustu Advania á Sauðárkrók. Ef þú hefur brennandi áhuga á tækni kannt að vinna bæði sjálfstætt og í teymi, og ert með framúrskarandi þjónustulund, þá yrðir þú fullkomin viðbót í okkar frábæra hóp!

Starfið felur í sér fjölbreytt verkefni í tæknilausnum fyrir viðskiptavini Advania. Þú munt bæði sinna fjarlausnum og mæta reglulega til viðskiptavina til að leysa tæknileg mál á staðnum. Verkefnin tengjast m.a. skýjalausnum, útstöðvum, símalausnum og öðrum almennum upplýsingatæknivandamálum sem viðskiptavinir standa frammi fyrir.

Við leitum að persónu sem er almennt tæknilega sinnuð og fljót að tileinka sér nýja hluti. Við viljum sjá þig blómstra í starfsumhverfi þar sem skilvirkni skiptir máli og sjálfstæði er lykillinn að árangri. Æskilegt er að þú hafir góða þekkingu á upplýsingatækni og það væri sannarlega kostur ef þú værir með vottaða þekkingu á sviði Microsoft.

Hæfnikröfur

• Framúrskarandi þjónustulund og vilji til að fara fram úr væntingum viðskiptavina
• Reynsla og góð þekking á upplýsingatækni
• Öguð vinnubrögð og geta til að vinna sjálfstætt
• Reynsla af rekstri IT kerfa fyrirtækja er kostur
• Góð þekking á Microsoft Windows stýrikerfinu, Microsoft 365 og öðrum algengum notendahugbúnaði
• Þekking á Active Directory og Microsoft Server kostur
• Vottuð þekking á sviði ofangreindra Microsoft lausna er kostur

Við hvetjum öll kyn til að sækja um hjá okkur.

Ef þú hefur áhuga á starfinu en uppfyllir ekki allar kröfur þá hvetjum við þig samt sem áður til þess að sækja um, þú gætir einmitt verið einstaklingurinn sem við leitum að.