Kennari við Varmalandsdeild Grunnskóla Borgarfjarðar

Grunnskóli Borgarfjarðar auglýsir eftir umsjónarkennara fyrir 1.-2. bekk á Varmalandi frá áramótum eða fyrr ef mögulegt. Á Varmalandi eru nemendur frá 1.-4. bekk og þar verður einnig starfræktur leikskólinn Hraunborg. Um er að ræða metnaðarfullt starf og möguleikar á að taka þátt í þróun samstarfs með leikskólanum.

Einstakt tækifæri til að koma og kenna í fámennri grunnskóladeild sem er hluti af stærri heild, mönnuð metnaðarfullum kennurum. Skólinn er þriggja starfsstöðva skóli og er faglegt samstarf öflugt meðal kennara sem kenna sömu aldurshópum þvert á deildir. Húsnæði er á staðnum.

Grunnskóli Borgarfjarðar er með um 35 nemendur í 1.-5. bekk Hvanneyri, um 105 nemendur í 1.-10. bekk á Kleppjárnsreykjum og um 35 nemendur í 1.-4. bekk á Varmalandi.

Grunnskóli Borgarfjarðar er teymiskennsluskóli þar sem kennarar vinna í teymum með samkennslu tveggja til fjögurra árganga. Skólinn vinnur eftir gildum heilsueflingar og grænfána, er réttindaskóli og leiðtogaskóli. Nánar um stefnu skólans er á heimasíðunni www.gbf.is