Seltjarnarnesbær

Á Seltjarnarnesi búa um 4700 manns og leggur Seltjarnarnesbær áherslu á að tryggja íbúum góða alhliða þjónustu.

Kennari ungbarnaleikskóla, fullt starf

Ungbarnaleikskóli Seltjarnarness er að bæta við sig deild og við þurfum á góðu fólki að halda til að koma til liðs við okkar frábæra hóp! Um fullt starf er að ræða.

Skólinn státar af metnaðarfullri starfsemi, ýmsum viðbótarkjörum og styttingu vinnuvikunnar.

Óskað er eftir einstaklingum sem eru tilbúnir til að taka þátt og þróa starfið og vera um leið hluti af heildarsýn skólans og því faglega starfi sem þar fer fram.

Menntunar- og hæfniskröfur

Leikskólakennaramenntun eða sambærileg menntun
Starfsleyfi sem leikskólakennari eða önnur sambærileg menntun sem nýtist í starfi
Reynsla af starfi í leikskóla er æskileg
Sjálfstæð og skipulögð vinnubrögð
Góð íslenskukunnátta

Helstu verkefni:

Sinnir þeim verkefnum er varðar uppeldi og menntun barna sem yfirmaður felur honum
Fylgist vel með velferð barna og hlúir að þeim andlega og líkamlega í samræmi við eðli og þarfir hver og eins svo þau fái notið sín sem einstaklingar
Tekur þátt í skipulagningu faglegs starfs deildarinnar
Vinnur náið í samstarfi við foreldra / forráðamenn barnanna
Starfa samkvæmt lögum og reglugerð um leikskóla, öðrum lögum er eiga við og aðalnámskrá leikskóla

Fríðindi í starfi

Sundkort
Heilsuræktarstyrkur
Bókasafnskort
Samgöngustyrkur

Ungbarnaleikskóli Seltjarnarness er sjálfstæð fag- og rekstrareining á vegum Seltjarnarnesbæjar og er staðsettur í Gamla Mýrarhúsaskóla við Nesveg. Í leikskólanum er ein deild og 16 nemendur á öðru aldursári til tveggja ára.

Í ungbarnaleikskólanum er lögð áhersla á máltöku og málrækt ungbarna, hreyfingu og útivist. Leikskólinn á í samstarfi við Bókasafn Seltjarnarnes og íþróttafélagið Gróttu.

Í leikskólanum er lögð áhersla á vellíðan samanber að þar er lítil líkamsrækt og slökunaraðstaða fyrir starfsfólk.

Í samræmi við jafnréttisáætlun Seltjarnarnesbæjar eru öll kyn hvött til að sækja um.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélög.

Upplýsingar um störf í Ungbarnaleikskóla Seltjarnarness veitir Selma Birna Úlfarsdóttir leikskólastjóri ungbarnaleikskóla, selma.b.ulfarsdottir@seltjarnarnes.is.

Umsóknum ásamt fylgiskjölum skal skilað á Ráðningarvef Seltjarnarnesbæjar -undir http://www.seltjarnarnes.is -Störf í boði

Umsóknarfrestur er til og með 29. júlí 2025.

Auglýsing birt11. júlí 2025

Umsóknarfrestur29. júlí 2025

Tungumálahæfni