Kennari í textílmennt við Breiðholtsskóla frá 1. ágúst 2026
Breiðholtsskóli leggur áherslu á árangur fyrir alla nemendur og teymisvinnu starfsmanna. Við erum fjölmenningarlegt samfélag og leitum að metnaðarfullum einstaklingi sem býr yfir frumkvæði og góðri fagþekkingu á skólastarfi og er tilbúinn til þess að taka þátt í öflugri skólaþróun í samheldnum starfsmannahópi.
Breiðholtsskóli er heildstæður grunnskóli með um 360 nemendur í hjarta Breiðholtshverfis í Reykjavík við Arnarbakka 1-3. Skólinn er með vel búnum kennslustofum, útisundlaug, stórt íþróttahús, snilliver, danssal og fallegum hátíðarsal.
Við skólann er lögð áhersla á árangur fyrir alla nemendur og einkunnarorðin ábyrgð, traust og tillitssemi eru leiðarljós í daglegu starfi skólans. Við sem hér störfum erum stolt af skólanum okkar sem státar af fjölmenningarlegu samfélagi nemenda, foreldra og starfsmanna. Í Breiðholtsskóla er lögð áhersla á skapandi og skemmtilegt skólastarf, læsi, félagsfærni og sjálfseflingu.
Lögð er áhersla á samvinnu starfsmanna þar sem allir taka virkan þátt í þróun skólastarfsins í anda Aðalnámskrár, Menntastefnu Reykjavíkurborgar og leiðsagnarnáms.
• Að annast textílkennslu nemenda í samráði við skólastjórnendur.
• Að stuðla að velferð nemenda í samstarfi við foreldra og fagfólk.
• Að þróa framsækið skólastarf í takti við stefnu skólans.
• Að vinna í teymi með öðru starfsfólki.
Kennaramenntun og leyfisbréf kennara.
• Reynsla og þekking á fjölbreyttum kennsluaðferðum.
• Sjálfstæð og skipulögð vinnubrögð.
• Faglegur metnaður og sveigjanleiki í starfi.
• Lipurð í samskiptum og jákvæðni.
• Góð tölvu- og tæknikunnátta.
• Góð íslenskukunnátta í ræðu og riti á stigi B2 samkvæmt evrópska tungumálarammanum
Self-assessment Grids (CEFR) - European Language Portfolio (ELP) (coe.int)
• Hreint sakavottorð í samræmi við lög sem og reglur Reykjavíkurborgar.
· Menningarkort og bókasafnskort.
· Samgöngustyrkur.
· Sundkort.
· Heilsuræktarstyrkur.
Íslenska
Enska