Kennari í sviðslistum
Við í Hörðuvallaskóla leitum að skapandi, faglegum og áhugasömum kennara til að kenna sviðslistir.
Hörðuvallaskóli var stofnaður árið 2006 og starfar undir einkunnarorðunum ,,það er gaman í skólanum". Í skólanum fer fram metnaðarfullt starf með framangreind einkunnarorð að leiðarljósi og er uppeldisstefnan Uppeldi til ábyrgðar lögð til grundvallar í skólastarfinu. Skólinn einkennist af góðum starfsanda og vinalegu viðmóti.
Lögð er áhersla á skapandi og framsækið skólastarf. Í Hörðuvallaskóla eru allir kennarar og nemendur frá 5. bekk með spjaldtölvur og mikil áhersla er lögð á einstaklingsmiðun náms og fjölbreytta kennsluhætti.
Upplýsingar um skólastarfið í Hörðuvallaskóla, stefnu hans og helstu áherslur er að finna á heimasíðu skólans www.horduvallaskoli.is
Hörðuvallaskóli er fyrir nemendur 1.-7. bekkjar en í skólanum eru einnig kenndar list- og verkgreinar fyrir nemendur í 8.-10. bekk í Kóraskóla. Auglýst er eftir kennara til að kenna sviðslistir í 6.-10. bekk.
- Kennsla í sviðslistum á mið- og elsta stigi
- Leyfisbréf sem kennari
- Reynsla og þekking á kennslu í sviðslistum
- Góð íslenskukunnátta er skilyrði
- Einlægur áhugi á að vinna með börnum og unglingum
- Skapandi hugsun, frumkvæði og sjálfstæði í vinnubrögðum
- Stundvísi og áreiðanleiki er skilyrði
- Þolinmæði og góð hæfni í mannlegum samskiptum
- Framsækni í kennsluháttum
Starfsfólk Kópavogsbæjar fær frían aðgang að sundlaugum bæjarins.