Álfaheiði

Kópavogur er næststærsta sveitarfélag landsins með tæplega 31 þúsund íbúa. Nafn bæjarins er dregið af jörðinni Kópavogi sem ríkissjóður átti í byrjun síðustu aldar og leigði út ásamt annarri jörð Digranesi í nágrenni hennar. Kópavogshreppur var stofnaður í byrjun árs 1948 og voru íbúar þá rúmlega 900. Hreppurinn óx hratt og voru íbúar orðnir 3.783 þegar Kópavogur hlaut kaupstaðarréttindi 11. maí árið 1955. Í Kópavogi er mikil og fjölbreytt atvinnustarfsemi. Mest er um iðnað, þjónustu og verslun af ýmsu tagi og má geta þess að Smáralind er stærsta verslunarmiðstöð landsins. Í bænum eru fjölbreytt tækifæri til útivistar og aðstaða til íþróttaiðkunar er með því besta sem þekkist. Þá eru Kópavogsbúar afar stoltir af menningarstofnunum sínum á Borgarholtinu, svo sem Salnum, Gerðarsafni, Náttúrufræðistofu Kópavogs, Tónlistarsafni Íslands og Molanum, ungmennahúsi Kópavogs.

Vinnustaðurinn

Kennari eða reynslumikill leiðbeinandi

Leikskólinn Álfaheiði óskar eftir kennara eða reynslumiklum leiðbeinanda.

Í leikskólanum Álfaheiði eru 79 börn á aldrinum eins til fimm ára og við skólann starfar reynslumikill og skemmtilegur hópur fagfólks. Faglegt starf í leikskólanum er mjög öflugt og leikskólinn er m.a. í fararbroddi í innleiðingu á réttindaskóla UNICEF.

Einkunnarorð leikskólans eru: deilum gildum okkar til að skapa betri heim.

Leikskólinn er staðsettur á fallegum stað í Kópavogi í nálægð við skemmtilegt útivistarsvæði, en útivera og umhverfismennt er mikilvægur þáttur í starfinu. Við óskum eftir leikskólakennara eða reynslumiklum leiðbeinanda í okkar góða starfshóp. Um 100% starf er að ræða.

Athygli er vakin á því að Kópavogsbær hefur nýlega samþykkt 6 tíma gjaldfrjálsan leikskóla ásamt auknum sveigjanleika og takmörkunum í opnunartíma leikskóla í dymbilbiku, milli jóla og nýars og vetrarfríum. Hér má sjá meira um það Sex tíma gjaldfrjáls leikskóli og aukinn sveigjanleiki | Kópavogsbær (kopavogur.is)

Nánari upplýsingar um leikskólann má finna á http://alfaheidi.kopavogur.is/

Helstu verkefni og ábyrgð

Vinnur að uppeldi og menntun barnanna
Vinnur í nánu samstarfi við foreldra/forráðamenn barnanna
Sinnir þeim verkefnum er varðar uppeldi og menntun barnanna sem yfirmaður felur honum
Starfið felur í sér almenna kennslu

Menntunar- og hæfniskröfur

Leikskólakennari eða önnur uppeldismenntun
Reynsla af vinnu með börnum
Lipurð og sveigjanleiki í samskiptum
Sjálfstæð og skipulögð vinnubrögð
Frumkvæði í starfi
Jákvæðni og færni í mannlegum samskiptum
Góð íslenskukunnátta
Ef ekki fæst leikskólakennari verður ráðinn starfsmaður með aðra uppeldismenntun eða leiðbeinandi

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsóknarfrestur er til og með 23. nóvember 2023.

Bent er á að samkvæmt lögum verða umsækjendur sem eru ráðnir að skrifa undir heimild til upplýsingaöflunar úr sakaskrá.

Eingöngu er tekið við umsóknum í gegnum ráðningavef Alfreðs.

Öllum umsóknum verður svarað þegar ákvörðun um ráðningu hefur verið tekin.

Tekið verður mið af jafnréttisstefnu Kópavogsbæjar við ráðningu í starfið.

Nánari upplýsingar um starfið veitir Anna Rósa Sigurjónsdóttir, leikskólastjóri í síma: 441-5400.

Auglýsing stofnuð9. nóvember 2023

Umsóknarfrestur23. nóvember 2023

Starfstegund

Staðsetning

Álfaheiði 46, 200 Kópavogur