Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Karlkyns starfsmaður með stuðning í Giljaskóla

Giljaskóli á Akureyri óskar eftir starfsmanni með stuðning í skóla með vinnutíma frá kl. 8 til 14. Um er að ræða ótímabundna stöðu í 65-70% starfshlutfalli. Ráðið er í stöðuna frá og með 1. ágúst 2024.

Vegna hlutlægra þátta sem tengjast starfinu í samræmi við 26. grein laga um jafna stöðu og jafnan rétt kvenna og karla nr. 10/2008 er að þessu sinni sérstaklega óskað eftir karlmanni í starfið.

Giljaskóli starfar eftir samskipta- og uppeldisstefnu sem nefnist Uppeldi til ábyrgðar - uppbygging sjálfsaga. Skólinn er heilsueflandi grunnskóli og réttindaskóli UNICEF. Í skólanum er sérdeild sem sinnir kennslu og þjálfun barna með ýmiskonar fatlanir. Giljaskóli er framsækinn skóli, hefur verið í fararbroddi á sviði upplýsingatækni og er í mikilli þróun náms- og kennsluhátta.

Einkunnarorð Giljaskóla eru „Gerum okkar besta“.

Viltu vita meira? Kíktu í rafræna heimsókn www.giljaskoli.is

Helstu verkefni og ábyrgð

Aðstoðar kennara við að framfylgja náms- og starfsáætlun.
Veitir sértæka og eða almenna aðstoð við einstaka nemanda í námi og við athafnir daglegs lífs.
Fylgir nemanda/nemendum í dags- og vettvangsferðir.
Fylgd og eftirlit í styttri ferðum vegna skólastarfs.
Frímínútnagæsla og almennt eftirlit með nemendum í skólahúsnæði.
Umsjón og gæsla í matartíma.

Menntunar- og hæfniskröfur

Áhugi á að starfa með börnum er skilyrði.
Starfsreynsla innan skólakerfis er æskileg.
Getur unnið sjálfstætt, sýnt frumkvæði og beitt viðeigandi faglegum verkfærum við lausn verkefna.
Samviskusemi og reglusemi
Sveigjanleiki í starfi, stundvísi, jákvæðni og færni í samskiptum.
Kunnátta í skyndihjálp.
Góð íslenskukunnátta.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Starfsfólk skólans gegnir starfinu samkvæmt grunnskólalögum, reglugerðum, starfslýsingum, kjarasamningum og mannauðsstefnu Akureyrarbæjar eftir því sem við á.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Einingar-Iðju.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Aðalheiður Skúladóttir, skólastjóri í síma 462-4820 eða allas@akmennt.is

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 17. júní 2024.

Auglýsing birt5. júní 2024

Umsóknarfrestur17. júní 2024

Tungumálahæfni