Kaffibarþjónn 70–100% starf hjá Te & Kaffi

Langar þig að vinna með góðu fólki, læra að gera frábært kaffi og skapa góða upplifun fyrir viðskiptavini?

Við hjá Te & Kaffi erum að leita að hressum og þjónustulunduðum einstaklingum til að bætast í hópinn á kaffihúsunum okkar. Um er að ræða 70–100% starf og leitum við að fólki sem getur hafið störf á næstunni.

Reynsla af kaffihúsastörfum er kostur en alls ekki skilyrði. Við sjáum um þjálfun og kennum þér það sem þú þarft að kunna.

Helstu verkefni og ábyrgð

Starfið

Sem kaffibarþjónn hjá Te & Kaffi verður þú hluti af öflugu teymi þar sem áhersla er lögð á góða þjónustu, gæði og jákvæða upplifun viðskiptavina.

Starfið felur meðal annars í sér að:

Taka á móti viðskiptavinum og veita framúrskarandi þjónustu
Laga kaffi- og tedrykki að lokinni þjálfun
Útbúa mat og annað meðlæti
Taka á móti og afgreiða pantanir
Opna og loka kaffihúsi
Sjá um frágang, þrif og önnur dagleg verkefni á kaffihúsinu

Við leitum að þér ef þú:

Hefur gaman af fólki og góðri þjónustu
Ert jákvæð/ur, hress og áreiðanleg/ur
Getur unnið sjálfstætt og sýnt frumkvæði
Átt auðvelt með að tileinka þér nýja verkferla
Hefur góða samskiptahæfni og ríka þjónustulund
Hefur áhuga á kaffi og langar að læra meira

Við erum að leita að starfsfólki í 70–100% starf á kaffihúsum Te & Kaffi.

Ef þú kemst áfram í næsta skref ráðningarferlisins verður haft samband við þig og þér boðið að koma í viðtal og/eða prufuvakt á einu af kaffihúsunum okkar.

Farið er með allar umsóknir sem trúnaðarmál.

Við hlökkum til að heyra frá þér!

Auglýsing birt11. ágúst 2026

Umsóknarfrestur24. ágúst 2026

Tungumálahæfni