Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og með fjölbreyttan bakgrunn. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Íþróttafræðingur - Sjúkra- og iðjuþjálfunardeild Sléttuvegi

Hrafnista óskar eftir að ráða íþróttafræðing í 80% starfshlutfall, eða eftir samkomulagi, í öflugt sjúkra- og iðjuþjálfunarteymi á Hrafnistu Sléttuvegi.

Á heimilinu búa 99 íbúar og eru þau hópurinn sem sjúkra- og iðjuþjálfunardeildin þjónustar.

Gott er að viðkomandi geti hafið störf sem fyrst.

Helstu verkefni og ábyrgð

Skipuleggur í samvinnu við sjúkraþjálfara einstaklings- og hópaþjálfun íbúa
Framfylgir bæði einstaklings- og hópþjálfunaráætlunum íbúa
Tekur þátt í skipulagningu heilsueflandi viðburða innan heimilisins
Þátttaka í fagþróun
Teymisvinna

Menntunar- og hæfniskröfur

Menntun sem íþróttakennari/íþróttafræðingur
Góð hæfni í mannlegum samskiptum
Góð yfirsýn og skipulagshæfni
Faglegur metnaður
Jákvæðni, sveigjanleiki og frumkvæði
Áhugi á að starfa með öldruðum

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar -

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Nánari upplýsingar veitir Anna Margrét Guðmundsdóttir deildarstjóri sjúkra- og iðjuþjálfunardeildar ([email protected]).

Auglýsing birt26. september 2025

Umsóknarfrestur5. október 2025

Tungumálahæfni