Laus störf Hæfnileit Vinnustaðir Námskeið

Grundarfjarðarbær

Grundarfjarðarbær er þéttbýlisstaður á Snæfellsnesi þar sem náttúrufegurð í heimsklassa er hluti af daglegu lífi. Sveitarfélagið er í spennandi uppbyggingarskeiði með fjölda verkefna framundan, bæði í innviðauppbyggingu og samfélagslegri þróun. Í bænum er leikskóli, grunnskóli og framhaldsskóli sem gerir Grundarfjörð að kjörnum stað fyrir fjölskyldur á öllum stigum. Þar er hlýtt og lifandi samfélag þar sem íbúar þekkjast og líður vel saman.

Vinnustaðurinn

Íþrótta- og tómstundafulltrúi

Viltu vera með í skemmtilegri uppbyggingu?

Grundarfjarðarbær auglýsir laust til umsóknar nýtt og spennandi starf íþrótta- og tómstundafulltrúa.

Leitað er að kraftmiklum stjórnanda með forystu- og skipulagshæfileika, jákvætt viðhorf og metnað til að taka þátt í uppbyggingu og umbótum í tómstundastarfi.

Menntunar- og hæfniskröfur

Háskólamenntun sem nýtist í starfi er kostur, s.s. á sviði kennslu, íþrótta eða tómstunda

Farsæl reynsla af íþrótta- og tómstundastarfi er kostur, sem og reynsla af rekstri, stjórnun og stefnumótun

Leiðtogahæfileikar, frumkvæði, metnaður og sjálfstæði í vinnubrögðum

Lipurð í mannlegum samskiptum og hæfni til að eiga uppbyggileg samskipti við viðkvæma hópa, er skilyrði

Færni í að tjá sig, í töluðu og rituðu máli er skilyrði

Að nálgast verkefni á frumlegan hátt og vera úrræðagóð(ur) við lausn þeirra er mikill kostur

Helstu verkefni og ábyrgð

Þróa og stýra íþrótta- og tómstundamálum, forvörnum og lýðheilsuverkefnum á vegum Grundarfjarðarbæjar.

Leiða stefnumörkun um viðfangsefni sviðsins með fagnefndum og bæjarstjórn.

Fagleg og rekstrarleg ábyrgð á starfsemi íþróttamannvirkja og aðstöðu, á félagsmiðstöð unglinga og á skipulögðu íþrótta- og tómstundastarfi sem bærinn kemur að. Mannauðsmál og skipulag opnunartíma fellur m.a. þar undir.

Er starfsmaður þeirra nefnda sem starfssviðinu tilheyra og leiðir jafnframt samstarf við félagasamtök.

Hefur umsjón eða aðkomu að ýmsum viðburðum.

Ítarlegri upplýsingar er að finna á vef bæjarins: Viltu verða íþrótta- og tómstundafulltrúi eða leikskólastjóri í Grundarfirði? (grundarfjordur.is)

Umsóknum um starfið ásamt fylgigögnum skal skilað í ráðningakerfi Alfreðs - alfred.is í síðasta lagi 26. september nk.

Fylgja skal kynningarbréf, ferilskrá og samantekt með hugmyndum umsækjanda um þróun faglegs starfs og nálgun sína í starfi.

Starfið hentar hvaða kyni sem er. Á síðari stigum umsóknarferlis verður farið fram á sakavottorð í samræmi við viðeigandi lög.

Nánari upplýsingar veitir Björg Ágústsdóttir, bæjarstjóri, í síma 430 8500 eða með tölvupósti gegnum netfangið [email protected]

Öllum umsóknum verður svarað þegar ákvörðun um ráðningu liggur fyrir.

Auglýsing birt10. september 2021

Umsóknarfrestur26. september 2021

Tungumálahæfni

Engar sérstakar tungumálakröfur