Íslenskumælandi aðstoðarverkstjórnandi óskast í Keflavík

IMPORTANT NOTICE: ICELANDIC SPEAKING APPLICANTS ONLY

Rúmlega þrítugur karlmaður í Reykjanesbæ leitar eftir aðstoðarverkstjórnanda á aldrinum 25-45 ára.

Nauðsynlegt er að umsækjendur hafi náð 25 ára aldri og hafi gott vald á íslensku.

Um er að ræða 46% starf með möguleika á afleysingum. Starfið felst í að aðstoða manninn við verkstjórn varðandi NPA samning. Staðan snýst því um að aðstoða við allt utanumhald, starfsmannamál, vaktaplön og skipulag ásamt fleiru tilfallandi.

Unnið er á breytilegum dag-, kvöld,- nætur og helgarvöktum.

Einstaklingurinn er eingöngu líkamlega fatlaður og er fær um margt sjálfur. Hann getur staðið uppréttur og gengið með grind á milli staða en þarf alltaf að vera með aðstoðarmann sér við hlið. Hann fer í ræktina og sjúkraþjálfun dags daglega og heldur uppi skemmtilegum samræðum. Hann talar við mann en flest lengri samtöl fara fram á stafaspjaldi.

Hann á 2 börn og hund sem lita lífið alla daga.