Laus störf Hæfnileit Vinnustaðir Námskeið

Ískraft

ÍSKRAFT var stofnað af Herborgu Halldórsdóttur og Hreggviði Þorgeirssyni í nóvember 1975. Í upphafi einskorðaði fyrirtækið sig við útvegun raflagnaefnis til rafveitna, ekki síst til RARIK sem þá vann að lagningu Byggðalínu. ÍSKRAFT útvegaði í þetta umfangsmikla verkefni, tengivirki, línuvír, einangra, spennubreyta og margt fleira. Árið 1980 jukust umsvifin á hinum almenna rafiðnaðarmarkaði og hefur síðan verið unnið stöðugt að útvíkkun starfseminnar á því sviði. Í árslok 1987 sameinuðust ÍSKRAFT og Ásel hf. í Garðabæ og jókst þá vöruúrvalið á sviði töflubúnaðar mjög. Árið 1999 er Ískraft keypt og sameinast rekstri Húsasmiðjunnar.

Vinnustaðurinn

Ískraft: Rekstrarstjóri á Norðurlandi

Ískraft leitar að metnaðarfullum leiðtoga til þess að reka útibú okkar á Akureyri. Við leitum að einstaklingi sem brennur fyrir þjónustu og fólki, er söludrifinn og hefur jákvætt hugarfar. Megin ábyrgð rekstrarstjóra er rekstur útibúsins, skipulag og stjórnun á daglegri starfsemi sem og að vinna að því alla daga, ásamt flottum hópi starfsfólks að veita viðskiptavinum okkar frábæra þjónustu.

Ískraft er leiðandi á fyrirtæki á sínu sviði og er með sterk og vönduð vörumerki. Um er að ræða spennandi tækifæri fyrir réttan aðila til að vera þátttakandi í frekari uppbyggingu Ískraft á Norðurlandi.

Helstu verkefni og ábyrgð

Skipulagning og ábyrgð á daglegri starfsemi og rekstri
Sölustjórnun, söluráðgjöf og þjónusta við viðskiptavini
Tilboðsgerð og eftirfylgni tilboða
Sköpun og viðhald viðskiptasambanda
Umsjón með innkaupum og birgðahaldi
Umsjón með starfsmannamálum
Stuðla að jákvæðum starfsanda og starfsumhverfi

Menntunar- og hæfniskröfur

Stjórnunarreynsla og hæfni til að leiða fólk til árangurs
Framúrskarandi samskiptahæfni og rík þjónustulund
Reynsla og þekking af sölumálum og sölustjórnun
Sjálfstæði, frumkvæði og skipulagshæfni
Góð þekking á verslunarrekstri og á rafvörum
Menntun sem nýtist í starfi
Góð almenn tölvukunnátta t.d. á sölukerfum og CRM kerfum
Góð íslensku- og enskukunnátta

Fríðindi í starfi

Heilsuefling, s.s. heilsufarsskoðun, bólusetning, aðgangur að sálfræðiþjónustu, heilsueflandi fræðsla.
Aðgangur að orlofshúsum.
Ýmsir styrkir, s.s. íþróttastyrkur, samgöngustyrkur og fræðslustyrkur.
Afsláttarkjör í verslunum okkar.

Nánari upplýsingar um starfið veitir Brynjar Stefánsson, framkvæmdastjóri Ískraft, [email protected]

Hvetjum einstaklinga af öllum kynjum til þess að sækja um.

Ískraft er lifandi og skemmtilegur vinnustaður þar sem ríkir góður starfsandi og sterk liðsheild. Lögð er rík áhersla á símenntun og fræðslu og að starfsmenn eigi þess kost að eflast og þróast í starfi.

Gildin okkar eru: Metnaður- Þjónustulund- Sérþekking

Auglýsing birt28. febrúar 2024

Umsóknarfrestur13. mars 2024

Tungumálahæfni

Engar sérstakar tungumálakröfur

Staðsetning

Freyjunes 1, 603 Akureyri

Starfstegund

Hæfni