indó leitar að þjónustusnillingi

Viltu vinna hjá indó?

Ertu lausnamiðaður samskiptasnillingur sem kannt að hugsa út fyrir bankann? Þá gætum við verið að leita að þér!

Við hjá indó erum að leita að drífandi og metnaðarfullum þjónustufulltrúa í teymið okkar. Við leitum að áhugasömum orkubolta með menntun og reynslu sem nýtist í starfi. Það er þó engin þörf á að vera bankasérfræðingur, enda erum við ekki banki, en reynsla af sambærilegu starfi er vissulega mikill kostur.

Viðkomandi mun standa í fremstu víglínu við að veita okkar frábæru viðskiptavinum fyrsta flokks þjónustu í gegnum síma og tölvupóst ásamt því að veita þeim stuðning við fjölbreytt viðfangsefni. Starfið felur jafnframt í sér að byggja upp tengsl við viðskiptavini með gleði og jákvæðni í fyrirrúmi.

Við hvetjum öll kyn og fólk á öllum aldri sækja um starfið.

Tekið er á móti umsóknum á Alfreð.
Vinsamlega látið fylgja með ferilskrá og kynningarbréf með umsókninni.

Umsóknarfrestur er 5. október 2024.

Nánari upplýsingar um starfið veitir:
Linda Björk Sumarliðadóttir: linda@indo.is