Laus störf Hæfnileit Vinnustaðir Námskeið

Félagsleg stuðningsþjónusta

Jákvæður og skemmtilegur vinnustaður. Fjölbreytt störf sem unnin eru út frá þörfum hvers notanda fyrir sig. Markmið er að efla og styðja við fólk sem býr á eigin heimili.

Vinnustaðurinn

Iðjuþjálfi/sjúkraþjálfari/íþróttafræðingur í félagslegri stuðningsþjónustu

Fjölskyldusvið Árborgar auglýsir stöðu iðjuþjálfa/sjúkraþjálfara/íþróttafræðings í félagslegri stuðningsþjónustu laust til umsóknar. Spennandi framþróun er í málaflokknum. Um er að ræða 75% starfshlutfall í dagvinnu, sveigjanlegur vinnutími.

Fjölskyldusvið sinnir fjölbreyttri og þverfaglegri þjónustu við íbúa Árborgar með snemmtækan stuðning að leiðarljósi. Lögð er áhersla á þverfaglegt samstarf og framsækið starf í velferðar-, frístunda- og skólaþjónustu.

Í Sveitarfélaginu Árborg búa rúmlega 12.000 íbúar og starfa um 1100 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Þjálfun í heimahúsum, þróun, ráðgjöf
Uppbygging innan málaflokksins
Mat á þjónustuþörf og endurhæfingu í heimahúsum
Samskipti og samvinna við aðrar stofnanir
Teymisvinna og þverfaglegt samstarf

Menntunar- og hæfniskröfur

Háskólamenntun til starfsréttinda sem og íslenskt starfsleyfi frá Embætti landlæknis
Starfsreynsla og þekking á sviði endurhæfingar og/eða virkniþjálfunar æskileg
Frumkvæði, nákvæmni og sjálfstæði í starfi er mikilvæg
Lipurð í mannlegum samskiptum, jákvæðni og sveigjanleiki
Hæfni til að tjá sig í ræðu og riti
Áhugi á þverfaglegri teymisvinnu og þróun í málaflokknum
Hreint sakavottorð í samræmi við lög og reglur

Umsóknarfrestur er til og með 4. desember 2025.

Umsóknum fylgi yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Nánari upplýsingar um starfið veitir Margrét Elísa Gunnarsdóttir forstöðumaður félagslegrar stuðningsþjónustu, [email protected], sími 480-1900.

Auglýsing birt24. nóvember 2025

Umsóknarfrestur4. desember 2025

Tungumálahæfni