Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Iðjuþjálfi - Heimahjúkrun HH

Heilsugæsla höfuðborgarsvæðisins óskar eftir að ráða iðjuþjálfa í Heimahjúkrun. Um er að ræða 100% framtíðarstarf, frá og með 1. júlí nk. eða eftir nánara samkomulagi.

Heimahjúkrun Heilsugæslu höfuðborgarsvæðisins sinnir heimahjúkrun í Kópavogi, Garðabæ, Hafnarfirði og Mosfellsumdæmi og er með aðsetur í nýju og glæsilegu húsnæði að Miðhrauni 4 í Garðabæ. Hlutverk heimahjúkrunar er að veita einstaklingsmiðaða hjúkrun sem er sérsniðin að þörfum hvers og eins þar sem forvarnir, heilsuvernd, heilsuefling, fagleg þekking og samstarf eru höfð að leiðarljósi.

Helstu verkefni og ábyrgð

Iðjuþjálfi vinnur sjálfstætt en er í náinni samvinnu við aðra starfsmenn heimahjúkrunar. Hann veitir stuðning og ráðgjöf til skjólstæðinga og aðstandenda þeirra varðandi aðbúnað á heimili og úrræði þannig að skjólstæðingur geti verið öruggur í daglegu umhverfi sínu. Hann styður skjólstæðinga við að fylgja meðferðaráætlun og endurmetur þarfir þeirra í samræmi við hana. Lögð er áhersla á aðgengilega þjónustu og að skjólstæðingar séu virkir í meðferð. Iðjuþjálfi vinnur að því að efla og viðhalda iðju og færni þannig að skjólstæðingur geti sinnt sínum daglegu verkefnum eins og hægt er. Iðjuþjálfi sinnir einnig stuðningi, ráðgjöf og fræðslu til starfsmanna heimahjúkrunar.

Menntunar- og hæfniskröfur

Háskólamenntun til starfsréttinda sem iðjuþjálfi og íslenskt starfsleyfi frá Embætti landlæknis

3 ára starfsreynsla æskileg

Góð almenn tölvukunnátta (word, excel, powerpoint, outlook)

Góð hæfni í mannlegum samskiptum

Færni til að vinna í þverfaglegu teymi

Fagleg vinnubrögð og áhugi á að vinna við heimahjúkrun

Sjálfstæði í starfi

Gilt ökuleyfi

Hreint sakavottorð

Góð íslenskukunnátta, í töluðu og rituðu máli

Góð enskukunnátta

Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Öllum umsóknum verður svarað þegar ákvörðun um ráðningu liggur fyrir. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Umsókn getur gilt í 6 mánuði

Frekari upplýsingar um starfið

Laun samkvæmt gildandi kjarasamningi fjármálaráðherra og Iðjuþjálfafélags Íslands.

Starfshlutfall er 100%
Umsóknarfrestur er til og með 30.05.2023

Nánari upplýsingar veitir

Hildur Sigurjónsdóttir - hildur.sigurjonsdottir@heilsugaeslan.is

Auglýsing stofnuð16. maí 2023

Umsóknarfrestur30. maí 2023

Starfstegund

Staðsetning

Miðhraun 4, 210 Garðabær

Hæfni