Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

Vinnustaðurinn

Hugbúnaðararkitekt – Solution architect

Við leitum að lausnamiðuðum og sjálfstæðum einstaklingi með brennandi áhuga og þekkingu á högun hugbúnaðar. Sem hluti af okkar öfluga teymi hugbúnaðararkitekta hjá Stafrænni Umbreytingu hjá Orkuveitunni, muntu vinna með sérfræðingum sem deila sama áhuga og þú á að skapa og þróa nýstárlegar kerfislausnir.

Um fjölbreytt starf er að ræða en helstu verkefni eru að hanna og þróa kerfislausnir Orkuveitunnar og dótturfélaga, samþætting lausna, að vera leiðandi í hönnun á nýjum lausnum ásamt samvinnu með ytri og innri aðilum sem koma að hugbúnaðargerð Orkuveitunnar.

Ef þú er skapandi, býrð yfir skipulagshæfni og vilt þróast í starfi þá viljum við heyra frá þér.

Menntunar- og hæfniskröfur

Reynsla af forritun í Net, C#, CSS og JavaScript
Reynsla af því að byggja upp stærri hugbúnaðarlausnir og viðhalda þeim í rekstri
Reynsla af Azure DevOps er kostur
Þekking á Microsoft SQL gagnagrunnum
Reynsla af forritun í Microsoft lausnum er kostur
Þekking á skýjaþjónustum er kostur
Frumkvæði og hæfni til að starfa sjálfstætt
Góð samskiptafærni og hæfni í að túlka kröfur og væntingar hagaðila
Leiðtogahæfni með færni til að sjá heildarmyndina, stuðla að lausnamiðuðum vinnubrögðum og tryggja framvindu verkefna
Háskólapróf eða sambærileg menntun/reynsla sem nýtist í starfi

Hvernig vinnustaður er Orkuveitan? (kynningarmyndband)

Orkuveitan samanstendur af móðurfélaginu og fjórum dótturfélögum, Orku náttúrunnar, Veitum, Ljósleiðaranum og Carbfix og hefur það hlutverk að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu.

Við bjóðum upp á fjölbreytt og stuðningsríkt vinnuumhverfi þar sem áhersla er lögð á framsýni, hagsýni, heiðarleika og frumkvæði. Rannsóknir hafa sýnt að fjölbreytileiki leiðir til betri árangurs og við hvetjum öll sem uppfylla grundvallarskilyrði starfsins til að sækja um, óháð því hvort þau haki í öll boxin.

Umsóknarfrestur er til og með 22. september 2024

Nánari upplýsingar veitir Kristrún Lilja Júlíusdóttir, Forstöðukona stafrænna og stefnumiðaðra umbreytinga, á netfanginu [email protected]

Auglýsing birt3. september 2024

Umsóknarfrestur22. september 2024

Tungumálahæfni