Hönnuður lagna- og loftræsikerfa

Umsóknarfrestur er til og með 18. október 2022. Umsókn óskast útfyllt á alfred.is, henni þarf að fylgja starfsferilskrá og kynningarbréf þar sem gerð er grein fyrir hæfni viðkomandi sem nýtist í starfi. Farið verður með allar fyrirspurnir og umsóknir sem trúnaðarmál og þeim svarað að ráðningu lokinni. 

Á VSB starfa um 40 starfsmenn og er stofan 35 ára. Starfsemi VSB skiptist í þrjú svið: byggingasvið, byggðatæknisvið og framkvæmdasvið. Við höfum í gegnum tíðina slegist við stóru stofurnar um verkefni, sem eru oft flókin og krefjandi í bland við minni verkefni. Við sinnum t.d. eftirliti og byggingarstjórn með nýjum höfuðstöðvum Landsbankans og sáum nýlega um verkfræðihönnun mannvirkja Sky Lagoon. 

Við erum framsækin þegar kemur að notkun tækni. Við höfum innleitt BIM hönnun og leggjum áherslu á notkun upplýsingatækni í okkar starfi. Við notum nýjustu verkfæri og hugbúnað við framkvæmdaeftirlit og erum í fararbroddi þegar kemur að landmælingum með notkun dróna, laserskanna sem og við hefðbundnari mælingar. VSB hefur vottað gæðastjórnkerfi ISO 9001 og við erum að vinna að því að innleiða umhverfisstjórnunarkerfi ISO 14001 auk þess sem við munum móta okkur skýrari stefnu í umhverfismálum. 

Nánari upplýsingar veitir Hannes Örn Jónsson, sviðstjóri byggingasviðs VSB verkfræðistofu (hannes@vsb.is) í síma 660-8615