Laus störf Hæfnileit Vinnustaðir Námskeið

BM Vallá

BM Vallá gegnir forystuhlutverki í framleiðslu á steypu, steinsteyptum vörum, múr- og flotblöndum fyrir íslenskan byggingariðnað. Umhverfismál og sjálfbær nýting auðlinda er rauður þráður í starfseminni og stefnir fyrirtækið að kolefnishlutleysi árið 2030. Við leggjum mikinn metnað í að skapa jákvætt starfsumhverfi og góða vinnustaðamenningu. Sem fjölþjóðlegur vinnustaður fögnum við fjölbreytileika, ólíkum bakgrunni og menningu. Lögð er áhersla á góð starfsskilyrði, möguleika til starfsþróunar ásamt því að starfrækt er öflugt fræðslukerfi. Starfsfólk fær góðan hádegismat sér að kostnaðarlausu en greiðir aðeins hlunnindaskatt. Öflugt skemmtanastarf og margvíslegir viðburðir standa öllum til boða allt árið um kring og er ávallt lögð áhersla á fjölskylduvænar skemmtanir. Öryggismál, heilbrigði og vellíðan starfsfólks er í hávegum haft og hvetjum við starfsfólk til að leggja rækt við andlega og líkamlega heilsu. BM Vallá er í eigu Eignarhaldsfélagsins Hornsteins ehf., sem á einnig Björgun-Sement. Hjá fyrirtækjunum starfar fjölbreyttur og samhentur hópur fólks að því að gera mannvirkjagerð á Íslandi umhverfisvænni.

Vinnustaðurinn

Byggingarverkfræðingur- Byggingartæknifræðingur

BM Vallá leitar að öflugu starfsfólki í hönnunarteymi húseiningasviðs fyrirtækisins, þar sem forsteyptar Smellinn húseiningar eru framleiddar og hannaðar.

Um er að ræða spennandi starfstækifæri fyrir rétta aðila í skemmtilegu og dýnamísku umhverfi. Starfstöðvar geta verið staðsettar á Breiðhöfða 3, 110 Reykjavík eða á Höfðaseli 4, Akranesi.

Um er að ræða 100% framtíðarstarf en skilgreindur vinnutími er frá kl. 8-16 eða samkvæmt samkomulagi.

Helstu verkefni og ábyrgð

Verkefnastjórnun hönnunarverkefna og samskipti við viðskiptavini
Hönnun burðarvirkisteikninga
Umsjón við hönnun forsteyptra eininga og gerð verkteikninga fyrir framleiðsludeild
Önnur tilfallandi verkefni í tækni- og hönnunardeild

Menntunar- og hæfniskröfur

Menntun í byggingarverkfræði eða byggingartæknifræði
Kunnátta og reynsla af tölvuteikningu í Autocad og Revit nauðsynleg
Reynsla af gerð verkteikninga og byggingavinnu er kostur
Mjög góð tölvukunnátta
Jákvæðni og framúrskarandi lipurð í samskiptum
Þjónustulund, frumkvæði og metnaður til að ná árangri í starfi.

Umsóknir óskast rafrænt í gegnum Alfreð fyrir 15. nóvember.

Mannauðsstefna

Mannauðsstefna fyrirtækisins lýsir vilja fyrirtækisins til að vera eftirsóttur vinnustaður sem byggir á sterkri sögu, liðsheild með viðamikla reynslu og þekkingu. Stefnunni er ætlað að tryggja starfsmönnum sem best starfsskilyrði og möguleika til að vaxa og dafna. Mikil áhersla er á faglega vinnu þar sem ferlar, árangur og stöðugar úrbætur eru hafðar að leiðarljósi. Við tilheyrum liðsheild þar sem metnaðarfullt starf er unnið af jákvæðu og ábyrgu fólki í anda jafnræðis.

Jöfn tækifæri

Með jafnréttisstefnunni okkar tryggjum við að starfsfólk hafi jafna möguleika óháð kyni, þjóðerni, kynþætti, kynhneigð, aldurs og fleiri þátta.

Eignarhaldsfélagið Hornsteinn ehf. á og rekur þrjú dótturfélög sem starfa við öflun hráefna, framleiðslu, sölu og þjónustu á byggingarmarkaði og við mannvirkjagerð á Íslandi. Fyrirtækin eru Björgun ehf., BM Vallá ehf. og Sementsverksmiðjan ehf., og hafa þessi félög rótgróna sögu á Íslandi sem rekja má allt aftur til fyrri hluta síðustu aldar. Hjá fyrirtækjunum starfa um 200 manns á starfsstöðvum víða um land en skrifstofa Hornsteins ehf. er á Bíldshöfða 7.

Auglýsing birt24. október 2024

Umsóknarfrestur15. nóvember 2024

Tungumálahæfni