Hlutastarf í þjónustuteymi Norræna hússins - í einu fallegasta húsi Reykjavíkur

Norræna húsið leitar að jákvæðum og ábyrgum einstaklingum með brennandi áhuga á menningu til starfa í gestamóttöku, bæði á bókasafni og í sýningarrými hússins ásamt tilfallandi leiðsögn og aðstoð við viðburði.

Um er að ræða tilfallandi helgarvaktir í tímastarfi sem henta vel einstaklingum í námi, á eftirlaunum eða með annarri vinnu. Í boði er lifandi starfsumhverfi þar sem listir, menning og norrænt samstarf eru í forgrunni.

Vinnutími

• Vaktir á laugardögum og/eða sunnudögum kl. 10:00–17:00.
• Tilfallandi virkir dagar eftir nánara samkomulagi, s.s. vegna afleysinga, aðstoð við viðburði, leiðsagnir eða tímabundinna verkefna.
• Ráðning miðast við janúar 2026, eða eftir samkomulagi.