Heilbrigðisstofnun Suðurlands

Hjúkrunarfræðingur óskast á hjúkrunarheimilið Móberg

Heilbrigðisstofnun Suðurlands óskar eftir að ráða hjúkrunarfræðing á hjúkrunarheimilið Móberg á Selfossi.

HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

Helstu verkefni og ábyrgð

Um er að ræða fjölbreytt starf með skemmtilegu og metnaðarfullu starfsfólki.
Mikið er lagt upp úr góðu þverfaglegu samstarfi þar sem fagmennska, umhyggja og virðing fyrir skjólstæðingum og fjölskyldum þeirra er höfð að leiðarljósi.
Um er að ræða vaktavinnu sem felur í sér morgun- og kvöldvaktir, auk möguleika á bakvöktum ef það hentar. Helgarvinna er samkvæmt samkomulagi við deildarstjóra.
Heimilið hefur fimm almennar hjúkrunareiningar þar sem 12 einstaklingar búa á hverri einingu.

Menntunar- og hæfniskröfur

Hjúkrunarnám frá viðurkenndri menntastofnun.
Starfsleyfi landlæknis.
Góð hæfni í mannlegum samskiptum, frumkvæði, áreiðanleiki og síðast en ekki síst jákvætt viðhorf.

Umsókninni þurfa að fylgja staðfestar upplýsingar um menntun, starfsleyfi og fyrri störf.

Starfshlutfall og upphafsdagur ráðningar eftir samkomulagi.

Auglýsing birt6. maí 2025

Umsóknarfrestur30. maí 2025

Tungumálahæfni