Hjúkrunarfræðingur óskast á heilsugæsluna á Selfossi
Heilbrigðisstofnun Suðurlands óskar eftir að ráða hjúkrunarfræðing í 100% starf á Selfossi. Um er að ræða starf á heilsugæslu auk skólahjúkrunar.
HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.
Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.
Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.
Um er að ræða fjölbreytt og skemmtilegt starf í góðum hópi á öflugri heilsugæslustöð, Heilbrigðisstofnunar Suðurlands Selfossi
- Um er að ræða almenna heilsugæsluhjúkrun, heilsueflandi móttökur auk skólahjúkrunar.
- Starfið er fjölbreytt með skemmtilegu og metnaðarfullu starfsfólki.
- Mikið er lagt upp úr góðri samvinnu allra starfshópa þar sem fagmennska, umhyggja og virðing fyrir skjólstæðingum og fjölskyldu þeirra er höfð að leiðarljósi.
- Hjúkrunarnám frá viðurkenndri menntastofnun.
- Starfsleyfi landlæknis.
- Góð hæfni í mannlegum samskiptum.
- Frumkvæði, áreiðanleiki og jákvætt viðhorf.