Hjúkrunarfræðingur í réttar- og öryggisgeðþjónustu

Ert þú úrræðagóður og jákvæður hjúkrunarfræðingur með áhuga á geðheilbrigðismálum?

Réttar- og öryggisgeðdeild Landspítala auglýsir laust til umsóknar starf hjúkrunarfræðings. Starfið er laust nú þegar og er starfshlutfall samkvæmt samkomulagi.

Réttargeðdeild er sérhæfð átta rúma geðdeild. Á deildinni dvelja, alla jafna, ósakhæfir sjúklingar með alvarlega geðræna sjúkdóma, sem dæmdir hafa verið til vistunar í viðeigandi úrræði vegna alvarlegra afbrota. Á réttargeðdeild fer fram persónubundin meðferð sjúklinga og unnið er með þeim að endurhæfingu sem undirbýr þá fyrir að snúa aftur í samfélagið.

Öryggisgeðdeild er sérhæfð átta rúma geðdeild fyrir sjúklinga með alvarlega og flókna geðræna sjúkdóma. Deildin er sérhæfð endurhæfingargeðdeild fyrir sjúklinga sem þurfa á langtímameðferð að halda.

Meðferðarnálgun réttar- og öryggisgeðdeildar er fjölþætt og bæði háð þörfum og getu hvers og eins en meginmarkmið meðferða er ávallt endurhæfing sjúklinga.

Að undanförnu hefur mikið umbótastarf átt sér stað á deildunum og er starfið í stöðugri þróun til að mæta breyttum aðstæðum, þörfum og væntingum sjúklinga og aðstandenda. Lögð er sérstök áhersla á góða þjónustu við sjúklinga og aðstandendur, öryggi sjúklinga og starfsfólks og faglega uppbyggingu meðferðarstarfs.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í .