Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur eða sálfræðingur í heilbrigðisþjónustu við börn sem hafa orðið fyrir ofbeldi og áföllum

Kvenna- og barnaþjónusta Landspítala óskar eftir sálfræðingi eða hjúkrunarfræðingi í teymi nýrrar ofbeldismóttöku barna sem falið er að skipuleggja og veita heilbrigðisþjónustu við börn sem þarfnast sérhæfðrar, samfelldrar og áfallamiðaðrar þjónustu. Teymið mun sinna börnum sem hafa orðið fyrir ofbeldi, vanrækslu eða öðrum alvarlegum áföllum.

Starfið felur í sér einstakt tækifæri til að taka þátt í og hafa áhrif á mótun og uppbyggingu nýrrar þjónustu og hentar fagaðila sem vill hafa raunveruleg áhrif á velferð barna til framtíðar.

Fagaðilum sem ráða sig til þjónustu í nýju teymi býðst markviss þjálfun og fræðsla, hérlendis sem erlendis.

Aðal starfsstöð teymis verður á Barnaspítala Hringsins og er starfið unnið í nánu þverfaglegu samstarfi. Starfshlutfall er 50-100% og æskilegt er að umsækjandi geti hafið störf sem fyrst, en upphafsdagur er samkomulagsatriði. Um tímabundna ráðningu til eins árs er að ræða.

Menntunar- og hæfniskröfur

Íslenskt starfsleyfi sem hjúkrunarfræðingur eða sálfræðingur

Brennandi faglegur áhugi á málefnum barna sem hafa orðið fyrir ofbeldi, vanrækslu eða alvarlegum áföllum

Reynsla sem nýtist í starfi

Farsæl reynsla af þverfaglegri teymisvinnu

Hæfni til að þróa og aðlaga heilbrigðisþjónustu að fjölbreyttum þörfum notenda

Faglegur metnaður, sjálfstæð vinnubrögð og geta til að takast á við krefjandi verkefni

Færni til að skipuleggja og forgangsraða verkefnum

Góð íslensku- og enskukunnátta, í mæltu og rituðu máli

Góð almenn tölvukunnátta, geta til að læra nýjungar

Hreint sakavottorð

Helstu verkefni og ábyrgð

Þátttaka í þverfaglegu teymi um heilbrigðisþjónustu við börn sem hafa orðið fyrir ofbeldi, vanrækslu eða alvarlegum áföllum

Heilbrigðisþjónusta í samræmi við gagnreynda þekkingu

Gæða- og umbótastarf á þverfaglegum grundvelli

Stuðlar að góðum starfsanda og menningu sálræns öryggis

Starfshlutfall: 50-100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, sálfræðingur

Tungumálakunnátta: íslenska 4/5

Staðsetning: Hringbraut, 101 Reykjavík

Nánari upplýsingar

Sigurveig Sigurjónsd Mýrdal

Forstöðuhjúkrunarfræðingur

Tölvupóstur: [email protected]

Sími: 824-2198

Auglýsing birt12. febrúar 2026

Umsóknarfrestur26. febrúar 2026

Tungumálahæfni

Íslenska

Nauðsyn

Mjög góð

Staðsetning

Hringbraut, 101 Reykjavík

Starfstegund

Starfsgreinar

Starfsmerkingar

Fleiri störf (50)