Hjúkrunarfræðingur á Vöknun - vaktavinna/ næturvaktir
Við óskum eftir að ráða metnaðarfullan hjúkrunarfræðing til starfa á vöknun við Hringbraut og kvennadeild. Vöknun er frábær vinnustaður þar sem samvinna, faglegt starf og öryggi sjúklinga eru höfð að leiðarljósi. Starfið er laust frá 1. janúar 2026 og er starfshlutfall 80-100%. Unnið er á þrískiptum vöktum á deildinni og í boði er að vinna auknar næturvaktir.
Hjúkrunarnemum sem lokið hafa 3ja námsári er velkomið að sækja um. Nýtt starfsfólk fær þjálfun eftir þörfum hvers og eins með reyndum hjúkrunarfræðingi.
Á vöknun starfa 6 sjúkraliðar og um 40 hjúkrunarfræðingar við fjölbreytt og krefjandi verkefni í nánu samstarfi við fagfólk í öðrum sérgreinum. Vöknun hefur aðsetur á þremur stöðum, E6 Fossvogi, 12A Hringbraut og 23A kvennadeild. Deild 12A þjónar börnum og fullorðnum eftir svæfingar og slævingar við skurðaðgerðir og önnur inngrip. Deild 23A sinnir vöktun eftir keisara og kvennsjúkdómaaðgerðir. Deildin er opin allan sólarhringinn, flestir sjúklingar koma eftir skipulagðar aðgerðir á dagvinnutíma en deildin tekur einnig á móti sjúklingum eftir bráðaaðgerðir á kvöldin, nóttunni og um helgar. Vöknun heyrir undir skurðlækninga-, skurðstofu- og gjörgæsluþjónustu.
Íslenska
