Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur á göngudeild þvagfæra

Hjúkrunarfræðingur óskast til starfa á göngudeild þvagfæra á 11A við Hringbraut. Um er að ræða 80-100% starf í dagvinnu.

Á deildinni er veitt sérhæfð göngudeildarþjónusta við sjúklinga með sjúkdóma í þvagfærum, utan sem innan spítala auk ráðgjafar og kennslu. Þar fara fram einnig ýmsar rannsóknir, greiningar og meðferðir á sjúkdómum í þvagfærum.

Starfsemin einkennist af teymisvinnu, góðum starfsanda, faglegum metnaði og sterkri liðsheild. Markvisst er unnið að umbótum og framþróun í starfi og framundan eru spennandi verkefni í stafrænni þróun og þróun fjarþjónustu innan dag- og göngudeilda.

Við tökum vel á móti nýju samstarfsfólki og veitum einstaklingbundna aðlögun undir leiðsögn reyndra hjúkrunarfræðinga. Ráðið er í stöðuna frá 1. nóvember 2024 eða eftir samkomulagi.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Íslenskt hjúkrunarleyfi

Faglegur metnaður og sjálfstæði í starfi

Áhugi á að starfa í krefjandi og fjölbreyttu umhverfi

Jákvætt viðmót og góðir samskiptahæfileikar

Hæfni og geta til að starfa í teymi

Íslenskukunnátta er skilyrði

Helstu verkefni og ábyrgð

Ákveða, skipuleggja og veita hjúkrunarmeðferð

Skipuleggja og veita fræðslu til sjúklinga og aðstandenda

Virkur þátttakandi í þróun og uppbyggingu deildarinnar

Þátttaka í gæðastarfi og þróun þjónustu við skjólstæðinga deildarinnar

Þátttaka í þverfaglegri teymisvinnu

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, Hjúkrun, teymisvinna

Nánari upplýsingar

Hulda Pálsdóttir, huldap@landspitali.is, 824-8257

Göngudeild þvagfæra

Hringbraut

101 Reykjavík

Auglýsing birt24. september 2024

Umsóknarfrestur4. október 2024

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)