Hjúkrunardeildarstjóri á verkjamiðstöð
Við leitum eftir öflugum leiðtoga með faglega hæfni og farsæla reynslu af stjórnun, rekstri og eflingu mannauðs til að leiða starfsemi verkjamiðstöðvar á Landspítalanum. Starfið er unnið í nánu samstarfi við forstöðuhjúkrunarfræðing, framkvæmdastjóra og annað starfsfólk.
Hjúkrunardeildarstjóri þarf að búa yfir afburða hæfni í samskiptum og stuðla að teymisvinnu innan deildar, við aðra stjórnendur og samstarfsaðila. Deildarstjóri er yfirmaður hjúkrunar á deildinni, stjórnar daglegum rekstri og er leiðandi um hjúkrunarfræðileg málefni deildarinnar.
Hjúkrunardeildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Næsti yfirmaður er forstöðuhjúkrunarfræðingur ferildeilda Skurð- og gjörgæsluþjónustu. Starfshlutfall er 100% og veitist starfið frá 1. nóvember 2024 eða eftir samkomulagi.
Á Verkjamiðstöð Landspítala er veitt sérhæfð meðferð, ráðgjöf og þjónusta við einstaklinga með erfiða verki. Á deildinni starfar öflugur hópur í þverfaglegu teymi, þ. á m. hjúkrunarfræðingar, svæfingalæknar, sálfræðingar, lyfjafræðingar og sjúkraþjálfarar. Góður starfsandi er ríkjandi á deildinni sem og mikill faglegur metnaður þar sem gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi.
