Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Heilbrigðisritari/ skrifstofumaður á almennri göngudeild

Laust er til umsóknar starf heilbrigðisritara/ skrifstofumanns á göngudeild 10E við Hringbraut. Starfið felur í sér mikil samskipti og fjölbreytt og krefjandi verkefni.

Á göngudeild 10E eru sérhæfðar teymismóttökur á sviði skurð- og lyflækninga s.s. undirbúningur sjúklinga fyrir aðgerðir og göngudeildir brjósthols- og kviðarholsskurðlækninga, ígræðslu-, meltinga- og nýrnalækninga. Þá er einnig veitt sérhæfð þjónusta t.d. sára- og innrennslismeðferðir.

Við leitum eftir metnaðarfullum einstaklingi sem er lausnamiðaður, þjónustulipur, með góða samskiptahæfni og sem á auðvelt með að vinna í teymi. Starfið er laust nú þegar eða eftir nánara samkomulagi. Starfshlutfall er 100%, unnið er virka daga frá kl. 8-16. Við leggjum áherslu á að taka vel á móti nýju samstarfsfólki og veitum góða einstaklingshæfða aðlögun og gott starfsumhverfi.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Heilbrigðisritaranám, stúdentspróf eða annað sambærilegt nám

Reynsla af ritarastörfum er kostur

Jákvætt viðmót, þjónustulipurð, sveigjanleiki og afburða samskiptahæfni

Skipulögð vinnubrögð, sjálfstæði í starfi og geta til að vinna undir álagi

Góð íslensku- og enskukunnátta

Góð tölvukunnátta

Þekking á Sögu og klínískum kerfum Landspítala er kostur

Helstu verkefni og ábyrgð

Útvegun og frágangur gagna og gagnavinnsla í tölvukerfum Landspítala

Símsvörun og upplýsingagjöf: Svara símtölum, og leiðbeina sjúklingum og aðstandendum þeirra

Umsjón vaktaskema

Umsjón og samkipti við erlenda afleysingalækna og sjúkahús erlendis

Önnur tilfallandi verkefni í samráði við yfimann

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, heilbrigðisritari, skrifstofustörf, móttaka, ritari, skrifstofumaður

Tungumálahæfni: íslenska 4/5, enska 4/5

Nánari upplýsingar

Ingibjörg Magnúsdóttir, [email protected], 620-2655

Göngudeild, almenn

Hringbraut

101 Reykjavík

Auglýsing birt5. júní 2025

Umsóknarfrestur16. júní 2025

Tungumálahæfni

Íslenska

Nauðsyn

Mjög góð

Enska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (47)