Laus störf Hæfnileit Vinnustaðir Námskeið

Tryggingastofnun

Tryggingastofnun er þjónustustofnun sem gegnir lykilhlutverki í velferðarþjónustu Íslands. Hlutverk stofnunarinnar er að framfylgja lögum um almannatryggingar, lögum um félagslega aðstoð og lögum um málefni langveikra barna. Hjá TR starfa um 100 starfmenn með hátt menntunarstig og mikla fagþekkingu. Starfsfólki er boðið upp á nútímalegt vinnuumhverfi þar sem ríkir góður starfsandi, sveigjanlegur vinnutími og mikil samvinna.

Vinnustaðurinn

Hefur þú brennandi áhuga á velferðar- og heilbrigðismálum?

Laust er til umsóknar starf sérfræðings hjá Tryggingastofnun (TR). Um er að ræða spennandi og krefjandi sérfræðistarf í teymi ráðgjafa á sviði endurhæfingar. Starfið byggir á frumkvæði og þéttu samstarfi í breiðum hópi sérfræðinga. Æskilegt er að viðkomandi geti hafið störf sem fyrst eða eftir nánara samkomulagi.

Helstu verkefni og ábyrgð

Mat, greining og úrvinnsla umsókna um sjúkra- og endurhæfingargreiðslur
Ráðgjöf, þjónusta og upplýsingamiðlun til viðskiptavina og samstarfsaðila
Samvinna í teymi fyrir mat á endurhæfingu og örorku
Þátttaka í samhæfingarteymi þjónustuaðila
Þróun vinnuferla og rafrænnar þjónustu
Skráning og meðhöndlun tölfræðiupplýsinga
Önnur sérhæfð verkefni

Menntunar- og hæfniskröfur

Háskólamenntun á sviði heilbrigðis- eða félagsvísinda, s.s. hjúkrunarfræði, iðjuþjálfun, sjúkraþjálfun, sálfræði eða félagsráðgjöf
Framhaldsmenntun sem nýtist í starfi er kostur
Reynsla af starfi á sviði heilbrigðis- eða velferðarþjónustu
Mjög góð samskiptahæfni og frumkvæði
Þjónustulund og lausnamiðuð hugsun
Mjög góð hæfni í greiningu, túlkun og framsetningu gagna
Mjög gott vald á rituðu íslensku máli og góð enskukunnátta .

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá og ítarlegt kynningarbréf á íslensku um hvers vegna sótt er um starfið, ásamt rökstuðningi um færni viðkomandi til að gegna starfinu. Jafnframt skal leggja fram leyfisbréf og staðfestar upplýsingar um menntun.

Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað.

TR er þjónustustofnun almannatrygginga. Hjá TR ríkir góður starfsandi og boðið er upp á góða vinnuaðstöðu og sveigjanlegan vinnutíma. Karlar jafnt sem konur eru hvött til að sækja um. TR hefur hlotið jafnlaunavottun.

Vinnuvika starfsfólks í fullri vinnu er 36 stundir. Markmiðið með því er að stuðla að betri heilsu og auka möguleika starfsfólks til að samþætta betur vinnu og einkalíf með bættri nýtingu vinnutíma og gagnkvæmum sveigjanleika.

Auglýsing birt12. febrúar 2026

Umsóknarfrestur26. febrúar 2026

Tungumálahæfni