Hafnasamlag Norðurlands

Hafnasamlag Norðurlands samanstendur af höfnum á Eyjafjarðarsvæðinu sem tilheyra sex byggðarlögum og fjórum sveitarfélögum. Samlagið var stofnað 1996 með þáttöku Akureyrar, Grýtubakkahrepps, Svalbarðsstrandarhrepps, Glæsibæjarhrepps og Arnarneshrepps, en þau tvö síðastnefndu tilheyra nú Hörgársveit. Hríseyjarhreppur og Grímseyjarhreppur hafa svo sameinast Akureyrarkaupstað.

Vinnustaðurinn

Hafnasamlag Norðurlands bs.: Yfirvélstjóri/hafnarvörður

Hafnasamlag Norðurlands bs. óskar eftir að ráða yfirvélstjóra/hafnarvörð til starfa.

Um er að ræða ótímabundið, fullt starf með vinnutímann frá kl. 8:00 til 15:12.

Æskilegt er að viðkomandi geti hafið störf sem fyrst eða skv. samkomulagi.

Undir Hafnasamlag Norðurlands bs. falla Akureyrarhöfn, Grenivíkurhöfn, Svalbarðseyrarhöfn, Hjalteyrarhöfn, Hríseyjarhöfn og Grímseyjarhöfn.

Þetta er lifandi starf sem kallar á mikil samskipti við fólk og fyrirtæki.

Helstu verkefni og ábyrgð

Vélstjórn hafnarbáta.
Viðhald hafnarmannvirkja.
Starf hafnarvarða við móttöku og brottför skipa.
Eftirlit með aðgangsstýringu að hafnarsvæðinu.
Eftirlit með að ákvæðum siglingaverndar sé framfylgt í samræmi við verndaráætlun hafnarinnar.
Almenn og sérhæfð störf á starfssviði hafnarinnar sem til falla.

Menntunar- og hæfniskröfur

Vélfræðingur (VF 1).
Góð íslenskukunnátta í ræðu og riti.
Góð enskukunnátta.
Góð tölvukunnátta.
Bílpróf.
Vinnuvélaréttindi kostur.
Meirapróf kostur.
Færni og lipurð í mannlegum samskiptum.
Sjálfstæði og frumkvæði í starfi.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utanhans samrýmist starfinu.

Þar sem hallar á stöðu kvenna hjá Hafnasamlaginu, eru konur sérstaklega hvattar til að sækja um.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Félagi vélstjóra og málmtæknimanna.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Pétur Ólafsson hafnarstjóri í síma 460-4202 og á netfanginu: [email protected]

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í þjónustuveri Akureyrarbæjar Geislagötu 9.

Umsóknarfrestur er til og með 20. júlí 2025.

Auglýsing birt7. júlí 2025

Umsóknarfrestur20. júlí 2025

Tungumálahæfni