Petersen svítan er einstaklega fallegur rooftop bar í hjarta Reykjavíkur. Stórt útisvæði og útsýnispallur á 3.hæð í hinu sögulega húsi, Gamla Bíó. Flestir vita að Gamla bíó er gamalt kvikmyndahús, eins og nafnið gefur til kynna, en færri vita að Peter „Bíó“ Petersen, sem lét byggja Gamla bíó og var jafnframt sýningarstjóri, bjó á efstu hæðinni í húsinu ásamt fjölskyldu sinni þar sem nú er Petersen svítan. Á sumrin er Petersen svítan ekki bara bar og kaffihús heldur er grillið einnig opið. Hægt er að fylgjast með dagskrá Petersen svítunnar undir "events" á facebook síðu okkar.