Gigtarfélag Íslands óskar eftir sjúkraþjálfurum

Gigtarfélag Íslands óskar eftir tveimur til þremur sjúkraþjálfurum í 100% starf. Möguleiki er á að skipta störfunum upp í 50 % störf. Gigtarfélag Íslands hefur undanfarið gengið í gegnum miklar breytingar. Nýr framkvæmdastjóri hefur störf fljótlega og félagið hefur flutt í nýuppgert og hentugt húsnæði í Brekkuhúsum 1 í Reykjavík þar sem aðgengi er til fyrirmyndar. Mikil tækifæri eru til að móta starfsemi sjúkraþjálfunardeildar félagsins á nýjum stað. Félagið er að ganga í gegn um mikla breytingatíma og færa sig til nútímalegri meðferðarstarfsemi og því er um spennandi starf að ræða.
Flestir skjólstæðingar sjúkraþjálfunarinnar er fólk á öllum aldri með gigtarsjúkdóma á og er þetta því spennandi tækifæri fyrir fólk sem hefur áhuga á gigt. Flestir eru í langtímameðferð og því gefst tækifæri til að vinna með hvern einstakling til lengri tíma. Félagið hefur yfir að ráða litlum sal þar sem hægt er að sinna hópþjálfun.