Gigtarfélag Íslands óskar eftir iðjuþjálfa

Gigtarfélag Íslands óskar að ráða iðjuþjálfa í 100% starf. Möguleiki er á að skipta starfinu upp í tvö 50-60% störf sem gætu hentað tveimur iðjuþjálfurum sem myndu vilja vinna saman í teymi. Tilgangur iðjuþjálfunar Gigtarfélagsins er að hjálpa fólki að bæta og viðhalda hreyfifærni og auka þannig lífsgæði.
Starfið er fjölbreytt með fólki á öllum aldri með gigt. Það er gefandi og krefst faglegra og sjálfstæðra vinnubragða og frumkvæðis.
Unnið er samkvæmt samningi við Sjúkratryggingar sem meðal annars býður upp á möguleika á meðferð á staðnum en einnig upp á ráðleggingar á heimili og fleira.