Byggingarfélag Gylfa og Gunnars hf

Byggingarfélag Gylfa og Gunnars hf. (BYGG) var stofnað árið 1984 og hefur fengið fjölda viðurkenninga fyrir fallega hönnuð hús og frágang lóða. Bygg hefur byggt í kringum 4.000 íbúðir sem og tugþúsundir fermetra af atvinnuhúsnæði á höfuðborgarsvæðinu. Hjá fyrirtækinu starfa um 160 manns og fjöldi undirverktaka. Bygg er þekkt fyrir traust og örugg vinnubrögð, vandaðan frágang og efndir á umsömdum tíma. Leiðarljós Bygg eru: Reynsla, metnaður og fagmennska.

Vinnustaðurinn

Gæða- og öryggisstjóri Byggingarfélags Gylfa og Gunnars hf

Byggingarfélagið leitar að gæða- og öryggisstjóra sem starfar þvert á deildir og verkstaði, veitir ráðgjöf í gæða- og öryggismálum og tryggir viðeigandi samráð og upplýsingagjöf. Við leitum að traustum aðila með reynslu af gæða- og öryggismálum sem hefur áhuga á að sinna gæða- og öryggismálum í byggingariðnaði.

Helstu verkefni og ábyrgð

Yfirumsjón með gæða-, öryggis- og umhverfismálum í samræmi við lög, reglugerðir og staðla.
Skapar, viðheldur og er ábyrgur fyrir öryggismenningu.
Þjálfun og fræðsla fyrir starfsfólk, ásamt þróun fræðsluefnis er varða gæða- og öryggismál.
Umsjón með gæðaeftirliti, innri og ytri úttektum, umbótum og eftirfylgni.
Eftirfylgni með gerð áhættumats á verkstöðum.
Sinna fyrirbyggjandi aðgerðum, atvikaskráningu, úrbótum og eftirfylgni vegna slysa, atvika og frávika.
Gerð, viðhald og endurnýjun á öryggis- og gæðahandbókum, verkferlum, áætlunum og leiðbeiningum.
Vinna að því að verklag og ferlar séu skilvirkir.
Upplýsingagjöf til stjórnenda og samstarfsaðila.

Menntunar- og hæfniskröfur

Reynsla af störfum við gæða- og öryggismál.
Háskólapróf sem nýtist í starfi. Sveinspróf í iðngrein er kostur.
Góð tækniþekking, Office 365, Sharepoint, Ajour.
Sannfæringarkraftur, áræðni og geta til að hrinda hugmyndum í framkvæmd.
Færni í mannlegum samskiptum og uppbyggilegt viðmót.
Frumkvæði og sjálfstæði í vinnubrögðum.
Faglegur metnaður og skipulagshæfni.
Hæfileikar til að miðla þekkingu
Gott vald á íslensku og ensku í ræðu og riti, önnur tungumálakunnátta er kostur.