Laus störf Hæfnileit Vinnustaðir Námskeið

Félag íslenskra hjúkrunarfræðinga

Félag íslenskra hjúkrunarfræðinga er fag- og stéttarfélag hjúkrunarfræðinga á Íslandi. Starfsvæði þess er allt landið og eru félagsmenn rúmlega 5.000. Hjá félaginu starfa níu starfsmenn auk formanns félagsins. Fíh er málsvari hjúkrunar og hjúkrunarfræðinga og gætir hagsmuna þeirra. Félagið semur við vinnuveitendur um kaup og kjör fyrir félagsmenn, vinnur að menntunarmálum hjúkrunarfræðinga og tekur þátt í alþjóðlegu samstarfi hjúkrunarfræðinga. Fíh tekur einnig virkan þátt í stefnumótun í heilbrigðismálum. Félagið rekur orlofssjóð, starfsmenntunarsjóð, styrktarsjóð og vísindasjóð.

Vinnustaðurinn

Fulltrúi á skrifstofu

Félag íslenskra hjúkrunarfræðinga leitar að jákvæðum og drífandi einstaklingi í starf fulltrúa á skrifstofu félagsins frá 1. febrúar 2026. Starfið hentar vel þeim sem hafa góða tölvukunnáttu, eru skipulögð og njóta þess að vinna í samstarfi við aðra. Í boði er fjölbreytt og krefjandi starf í 100% starfshlutfalli.

Helstu verkefni og ábyrgð

Símavarsla og móttaka á skrifstofu félagsins.
Þjónusta við félagsfólk.
Almenn skrifstofustörf. 
Umsjón með daglegum rekstri orlofssjóðs.
Umsjón með félagaskrá félagsins. 
Umsjón með húsnæði og daglegum innkaupum fyrir félagið.
Aðstoð við vinnslu umsókna í sjóði félagsins.
Önnur tilfallandi verkefni.

Menntunar- og hæfniskröfur

Stúdentspróf eða önnur menntun sem nýtist í starfi.
Frumkvæði og sjálfstæði í starfi.
Mjög góð hæfni í mannlegum samskiptum.
Framúrskarandi þjónustulund og jákvæðni. 
Skipulagshæfileikar og góð yfirsýn yfir verkefni 
Góð almenn tölvukunnátta, þekking á DK er kostur.
Færni í ræðu og riti á íslensku og ensku.

Nánari upplýsingar veitir Hafdís Böðvarsdóttir, fjármálastjóri Félags íslenskra hjúkrunarfræðinga í síma 540-6400 eða í tölvupósti [email protected].

Umsóknarfrestur er til og með 24. nóvember 2025.

Umsókn skal fylgja ferilskrá og kynningarbréf.

Félag íslenskra hjúkrunarfræðinga er fag- og stéttarfélag hjúkrunarfræðinga. Félagið þjónustar stærstu heilbrigðisstétt á Íslandi með um 5000 félagsmenn. Á skrifstofu félagsins starfa 9 manns á fagsviði, kjara- og réttindasviði og við aðra þjónustu við félagsfólk.

Nánari upplýsingar um starfsemi félagsins má finna á vef félagsins www.hjukrun.is

Auglýsing birt13. nóvember 2025

Umsóknarfrestur24. nóvember 2025

Tungumálahæfni