Kúlan félagsmiðstöð

Félagsmiðstöðin Kúlan er starfrækt allt skólaárið og er undir stjórn Frístundadeildar Kópavogsbæjar. Félagsmiðstöðin er staðsett í Kóraskóla. Markmið félagsmiðstöðvarinnar er að bjóða upp á markvisst frístunda- og forvarnarstarf undir handleiðslu fagfólks. Lögð er áhersla á lýðræði, virka þátttöku, uppbyggingu sjálfsmyndar, ánægju og gleði. Í félagsmiðstöðinni er bæði boðið upp á opið starf og hópastarf, sem miða bæði að því að stuðla að auknum félagsþroska, samskiptahæfni, þátttöku og ábyrgð. Kópavogsbær er barnvænt sveitarfélag. Félagsmiðstöðvar Kópavogs hafa greinar Barnasáttmála Sameinuðu Þjóðanna að leiðarljósi í öllu sínu starfi, og vinna markvisst að því að uppfylla réttindi barna og ungmenni.

Vinnustaðurinn

Frístundaleiðbeinandi í félagsmiðstöð

Félagsmiðstöðin Kúlan óskar eftir að ráða frístundaleiðbeinanda frá og með 21. ágúst næstkomandi.

Frístundaleiðbeinandi vinnur faglegt starf með börnum og unglingum í 5.-10.bekk í frístundastarfi. Hann hefur umsjón með og skipuleggur hópastarf og verkefni tengdum menningar-, félags- og forvarnarstarfi félagsmiðstöðvanna. Hann vinnur í anda lýðræðis á starfsstaðnum og vinnur markvisst að því að auka sjálfstæði, ábyrgð og virkni þeirra sem taka þátt í starfinu.

Um er að ræða hlutastarf og er vinnutími á mánudögum og miðvikudögum frá klukkan 17:00-22:30 og annan hvern föstudag klukkan 19:00-23:30.

Helstu verkefni og ábyrgð

Skipuleggur og hefur umsjón með ákveðnum hópum, verkefnum og viðburðum tengdum menningar-, félags- og frístundastarfi í félagsmiðstöðvum í samstarfi við forstöðumann og aðra starfsmenn.
Vinnur faglegt starf með börnum og unglingum í frístundastarfi.
Vinnur markvisst að því að auka sjálfstæði, ábyrgð og virkni þeirra sem taka þátt í starfseminni.
Vinnur samkvæmt 1. og 2. stigs forvörnum í öllu starfi félagsmiðstöðvarinnar.
Vinnur í anda lýðræðis á starfsstaðnum og stuðlar að því að börn og unglingar eigi greiðan aðgang að lýðræðislegum ákvörðunum um starfsemi félagsmiðstöðvar.
Hefur umsjón með skipulögðu frístundastarfi ólíkra hópa barna og unglinga í samræmi við þeirra þarfir.
Sinnir öðrum þeim verkefnum sem honum kunna að vera falin af yfirmanni og fellur undir hans starfssvið.

Menntunar- og hæfniskröfur

Diplómanám í uppeldis- eða tómstundafræðum eða sambærilegu námi æskilegt.
Reynsla af störfum með börnum og unglingum æskileg.
Færni í mannlegum samskiptum.
Frumkvæði og sjálfstæði í störfum.
Skipulögð og fagleg vinnubrögð.
Góð íslenskukunnátta æskileg.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsóknarfrestur er til og með 4. ágúst 2024.

Allir einstaklingar sem ráðnir eru til starfa í félagsmiðstöðvum Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Öllum umsóknum verður svarað þegar ákvörðun um ráðningu hefur verið tekin.

Tekið verður mið af jafnréttisstefnu Kópavogsbæjar við ráðningu í starfið.

Nánari upplýsingar um starfið veitir Sindri Már Ágústsson á netfanginu sindrima@kopavogur.is.

Eingöngu er tekið við umsóknum í gegnum ráðningavef Alfreðs.

Auglýsing birt9. júlí 2024

Umsóknarfrestur4. ágúst 2024

Tungumálahæfni