Frístundaleiðbeinandi í félagsmiðstöð

Félagsmiðstöðvar í Kópavogi auglýsa eftir fólki í lifandi sumarstarf í félagsmiðstöðvum unglinga!

Mikilvægt er að viðkomandi hafi hæfni í mannlegum samskiptum og einlægan áhuga og ánægju af að vinna með börnum og unglingum. Frístundaleiðbeinendur hafa umsjón með og skipuleggja hópastarf og verkefni tengd menningar-, félags- og forvarnarstarfi félagsmiðstöðvarinnar. Þau vinna í anda lýðræðis á starfsstaðnum og vinna markvisst að því að auka sjálfstæði, ábyrgð og virkni þeirra sem taka þátt í starfinu.

Óskað er eftir fólki í 30-100% starf, unnið er á föstum dag- og kvöldvöktum.

Um er að ræða tímabundið sumarstarf á tímabilinu 1. júní - 12. júlí 2023.

Skilyrði er að umsækjendur séu 20 ára á árinu eða eldri.