Laus störf Hæfnileit Vinnustaðir Námskeið

Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Vinnustaðurinn

Frístundaklúbburinn Ungmennahraun auglýsir eftir starfsfólki

Frístundaklúbburinn Ungmennahraun auglýsir eftir starfsfólki. Opnunartími Ungmennahrauns er frá 13:00 - 16:30 alla virka daga. Í boði eru hlutastörf og tímavinnustörf með sveigjanlegum vinnutíma eftir hádegi. Þetta starf hentar vel sem aukavinna með námi eða öðru starfi.

Ungmennahraun er sértækt frístundarþjónusta fyrir fötluð ungmenni á aldrinum 16-20 ára og staðsett á Álftanesi. Markmið frístundarinnar er að veita ungmennum sem þar dvelja öruggt og skapandi umhverfi með það að markmiði að efla félgasfærni og sjálfstæði.

Helstu verkefni og ábyrgð

Að styðja nemendur með sérþarfir
Að stuðla að jákvæðu umhverfi og vera öðrum fyrirmynd
Að efla velferð og félagslegan þroska ungmennanna
Að fylgja eftir áætlunum og verklagsreglum
Samráð og samvinna við ungmenni, foreldra, samstarfsfólk og aðra sem koma að frístundarstarfinu

Menntunar- og hæfniskröfur

Góðir samstarfs- og samskiptahæfileikar
Jákvæðni og ábyrgðarkennd
Frumkvæði og lausnamiðað viðhorf
Áhugi á málefnum fatlaðs fólks
Íslenskukunnátta á stigi B2 samkvæmt evrópska tungumálarammanum

Umsóknarfrestur er til og með 22. janúar 2026.

Nánari upplýsingar um starfið veitir Ágúst Arnar Þráinsson, Forstöðumaður frístundastarfs fatlaðara barna og ungmenna, netfang: [email protected] og sími: 820-8594 og 525-8594.

Samkvæmt lögum verða umsækjendur sem eru ráðnir að skrifa undir heimild til upplýsingaöflunar úr sakaskrá.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Garðabæjar.

Áhugasamir einstaklingar, án tilliti til kyns, eru hvattir til að sækja um.

Umsækjendur eru beðnir um að sækja um með því að smella á Sækja um.

Umsóknum skal fylgja ítarleg starfsferilskrá.

Auglýsing birt8. janúar 2026

Umsóknarfrestur22. janúar 2026

Tungumálahæfni