Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík í meira en 50 ár og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

Vinnustaðurinn

Framkvæmdastjóri umhverfis, gæða- og fjárfestingaverkefna

Framkvæmdastjóri ber ábyrgð á umhverfis - og gæðamálum, umbóta - og fjárfestingaverkefnum. Undir það fellur: stefnumótun, markmiðasetning, verkefnastýring, áhættumat, gæðakerfi, úttektir, umbætur, umhverfisrannsóknir, straumlínustjórnun og stafræn vegferð.

Um er að ræða spennandi og fjölbreytt starf þar sem viðkomandi tekur virkan og leiðandi þátt í stefnumótun og stjórnun Rio Tinto á Íslandi. Framkvæmdastjóri situr í framkvæmdastjórn fyrirtækisins og heyrir beint undir forstjóra.

Framkvæmdastjóri tilheyrir einnig alþjóðlegu teymi innan Rio Tinto.

Helstu verkefni og ábyrgð

Daglegur rekstur sviðsins
Verkefnastjórnun og framkvæmd verkefna
Stefnumótun og setning markmiða fyrirtækisins
Umsjón með umhverfismálum
Umbætur og gæðamál, þ.m.t. úttektir og vottanir
Umsjón með gerð árlegra fjárfestingaáætlana
Erlend samskipti

Menntunar- og hæfniskröfur

Háskólamenntun sem nýtist í starfi
Yfirgripsmikil þekking og reynsla af stjórnunarstörfum
Framúrskarandi samskipta- og leiðtogahæfni
Faglegur metnaður, frumkvæði, sjálfstæði og skipulagshæfni
Góð þekking og skilningur á verkefnastjórnun, áhættustjórnun og umhverfisáhættu
Mjög góð íslensku- og enskukunnátta og hæfni til að tjá sig í ræðu og riti

Fríðindi í starfi

Frítt fæði í mötuneyti
Heilsustyrkur
Fæðingarorlofsstyrkur allt að 18 vikur á óskertum launum
Velferðartorg
Þátttaka í hlutabréfakaupum
Öflugt þjálfunar- og fræðslustarf

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.
Forsenda allra ráðninga hjá ISAL er að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Við hvetjum öll áhugasöm til að sækja um störf hjá ISAL

Auglýsing birt31. janúar 2025

Umsóknarfrestur12. febrúar 2025

Tungumálahæfni