HS Veitur hf

HS Veitur eru framsækið þekkingar- og þjónustufyrirtæki í veitustarfsemi sem telst til mikilvægra innviða. Hjá HS Veitum starfa um 100 starfsmenn á fjórum starfstöðvum sem sinna margvíslegum störfum. Fyrirtækið þjónar mörgum af stærstu fyrirtækjum landsins og eru íbúar á veitusvæði HS Veitna rúmlega 84 þúsund. Í fyrirtækinu ríkir jákvæður starfsandi sem einkennist af sterkri liðsheild og virðingu í samskiptum.

Vinnustaðurinn

Framkvæmdastjóri Þjónustu & snjallra lausna

HS Veitur leita að framsýnum og drífandi einstaklingi með áhuga á þjónustu, tækni og stöðugum umbótum til að leiða teymi starfsfólks sem sinnir þjónustu, innheimtu og snjallmælum fyrirtækisins.

Framkvæmdastjóri þjónustu hefur forystu um stefnumótun og þróun þjónustu á nýju sviði með það að markmiði að bæta þjónustu HS Veitna ennfrekar og skapa nýjar og snjallar lausnir til að uppfylla þarfir viðskiptavina.

Viðkomandi þarf að búa yfir framúrskarandi leiðtoga- og samskiptahæfni og kunnáttu til að leysa fjölbreytt og krefjandi verkefni. Áhugi á þjónustuupplifun og tækni er mikilvægur. Framkvæmdastjóri þjónustu heyrir beint undir forstjóra og situr í framkvæmdastjórn fyrirtækisins.

Helstu verkefni og ábyrgð

Stjórnun og stefnumótun þjónustusviðs.
Þróa og endurnýja verkferla þvert á fyrirtækið með það að markmiði að efla og bæta þjónustu.
Eftirfylgni snjallmælavæðingar og tæknilausna sem þeim tengjast.
Úrlausn flóknari verkefna sem upp koma í þjónustu, innheimtu og mælum.
Setja upp lykilmælikvarða og markmið.
Mælingar á ánægju viðskiptavina.

Menntunar- og hæfniskröfur

Háskólamenntun á sviði verkfræði, viðskiptafræði eða önnur menntun sem nýtist í starfi.
Reynsla af stjórnun.
Reynsla af þjónustustjórnun kostur.
Góð tæknikunnátta kostur.
Mjög góð tölvukunnátta.
Öguð og skipulögð vinnubrögð byggð á metnaði og árangri.
Framúrskarandi leiðtoga og samskiptahæfni.
Gott vald á íslensku og ensku í ræðu og riti.

Í fyrirtækinu ríkir jákvæður starfsandi sem einkennist af sterkri liðsheild og virðingu í samskiptum.

Framundan eru spennandi tímar vegna íbúafjölgunar og atvinnuuppbyggingar á veitusvæðinu auk framþróunar í orkuskiptum, tækniþróunar og snjallvæðingar.

Nánari upplýsingar veitir Jóna Hrefna Bergsteinsdóttir mannauðstjóri í síma 860-5213 eða jonahrefna@hsveitur.is

Umsóknarfrestur er til og með 17. janúar 2025.

Umsóknum skal fylgja ferilskrá ásamt kynningarbréfi með rökstuðningi um hæfni í starfið. Farið verður með allar umsóknir sem trúnaðarmál.

Við leggjum áherslu á jafnrétti og hvetjum fólk, óháð kyni, til að sækja um.

Sótt er um starfið á Alfreð

Auglýsing birt23. desember 2024

Umsóknarfrestur17. janúar 2025

Tungumálahæfni