Framkvæmdastjóri - Landssamtök íslenskra stúdenta

Framkvæmdastjóri Landssamtaka íslenskra stúdenta

Um er að ræða fjölbreytt og spennandi starf sem reynir á sjálfstæð vinnubrögð og frumkvæði í spennandi verkefnum. LÍS eru regnhlífarsamtök stúdentafélaga á Íslandi og sinna hagsmunagæslu fyrir háskólanema á Íslandi sem og íslenska háskólanema í námi erlendis.

Framkvæmdastjóri og forseti LÍS vinna saman að markmiðum samtakanna og bera ábyrgð á starfsemi þeirra.

Stefnt er að því að framkvæmdastjóri hefji störf í haust og verði ráðinn í 80% starf til og með 1. október 2027.

Helstu verkefni og ábyrgð

• Umsjón með fjármálum samtakanna
• Gerð fjárhagsáætlunar og ársreiknings
• Umsjón með vefsíðu samtakanna
• Hefur samningsumboð fyrir hönd samtakanna og sækir um styrki
• Heldur utan um framkvæmd viðburða, svo sem árlegt Landsþing samtakanna

Menntunar- og hæfniskröfur

• Þekking og reynsla af fjármálum og bókhaldi er kostur
• Menntun sem nýtist í starfi
• Góð samskiptahæfni, skipulagshæfni og sjálfstæð vinnubrögð
• Áhugi og þekking á hagsmunabaráttu stúdenta er æskileg
• Reynsla af starfsemi félagssamtaka, stéttarfélaga eða hagsmunasamtaka er kostur
• Góð kunnátta í íslensku og ensku
• Önnur þekking og reynsla sem nýtist í starfi

Fríðindi í starfi

• Sveigjanlegur vinnutími
• Heimavinna möguleg

LÍS eru regnhlífarsamtök háskólanema á Íslandi sem og íslenskra háskólanema á erlendri grundu. Innan samtakanna eru 8 aðildarfélög sem eru í forsvari fyrir stúdenta við Háskólann á Akureyri, Háskólann á Bifröst, Landbúnaðarháskóla Íslands, Listaháskóla Íslands, Háskólann í Reykjavík, Háskólann á Hólum, Háskóla Íslands og fyrir íslenska stúdenta sem stunda nám erlendis. LÍS eru því í forsvari fyrir yfir 20 þúsund stúdenta og standa vörð um hagsmuni þeirra hérlendis sem og erlendis.