Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Framkvæmdastjóri lækninga

Landspítali auglýsir laust til umsóknar starf framkvæmdastjóra lækninga. Leitað er að framsýnum og öflugum leiðtoga til að leiða faglega uppbyggingu og framþróun lækninga á spítalanum. Framkvæmdastjóri lækninga situr í framkvæmdastjórn og tekur þátt í stefnumótun spítalans, gerð starfsáætlunar hvers árs og framkvæmd hennar og rekstri. Framkvæmdastjóri lækninga ber ábyrgð á faglegri forystu lækninga og stefnumörkun og yfirsýn yfir gæði og öryggi læknisþjónustu. Undir stjórn framkvæmdastjóra lækninga heyra gæðadeild spítalans, sjúkraskrár- og skjaladeild auk reksturs og framkvæmdar framhaldmenntunar lækna innan spítalans.

Við leitum að öflugum stjórnanda með víðtæka reynslu, skýra framtíðarsýn, leiðtogafærni og brennandi áhuga á að byggja upp öfluga liðsheild og tryggja stöðuga framþróun klínískrar þjónustu Landspítala. Framkvæmdastjóri lækninga verður hluti af forystu sem stefnir að því að staðsetja Landspítala meðal fremstu háskólasjúkrahúsa á Norðurlöndum.

Starf framkvæmdastjóra er 100% starf.

Menntunar- og hæfniskröfur

Læknir með íslenskt sérfræðileyfi auk formlegrar viðbótarmenntunar sem nýtist í starfi er skilyrði

Farsæl reynsla af stjórnun og rekstri

Mikill áhugi á framþróun Landspítala og umbótum klínískrar þjónustu spítalans

Skýr framtíðarsýn og þekking á áskorunum spítalans og leiðum til úrbóta

Framúrskarandi leiðtoga- og samskiptahæfileikar

Hæfni til að móta jákvætt vinnuumhverfi og byggja upp sterka liðsheild

Frumkvæði, drifkraftur og stefnumótandi hugsun

Mikil hæfni í tjáningu í ræðu og riti, á íslensku og ensku

Horft er til akademískrar reynslu við mat á umsóknum

Helstu verkefni og ábyrgð

Er leiðandi um læknisfræðileg málefni og framkvæmd stefnu spítalans í samvinnu við forstjóra og aðra framkvæmdastjóra

Ber ábyrgð á stefnumörkun og framþróun á sviði gæða og öryggis læknisþjónustu

Er leiðandi í að móta stefnu fyrir klíníska þjónustu með hliðsjón af þörfum sjúklinga, aðstandenda, stefnu, gildum og starfsáætlun Landspítala

Vinnur að eflingu mannauðs lækna. Leiðir uppbyggingu og framkvæmd framhaldsmenntunar lækna og framþróunar á sviði lækninga

Samræmir hlutverk, verklag og vinnuskipulag innan lækninga á Landspítala

Innleiðir nýjungar og stuðlar að þróun klínískrar þjónustu

Ber ábyrgð á faglegri þróun skráningar í sjúkraskrá Landspítala og leiðir þróun klínískrar skráningar lækna

Ber ábyrgð á gerð fjárhagsáætlunar skrifstofu lækninga, notkun aðfanga og eftirliti með árangri

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsækjendur eru beðnir að skila ítarlegri náms- og starfsferilskrá ásamt kynningarbréfi, er innihalda framtíðarsýn umsækjanda og rökstuðning fyrir hæfni til að gegna stöðunni, fylgiskjöl skulu vera á pdf formi.

Gert er ráð fyrir að ráðning framkvæmdastjóra taki gildi 1. janúar 2026 eða samkvæmt samkomulagi. Ráðning er ótímabundin í samræmi 41. gr. laga um opinbera starfsmenn (nr. 70/1996), að loknum reynslutíma.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Tekið er mið af jafnréttisstefnu Landspítala við ráðningar á spítalanum.

Starfsmerkingar: Heilbrigðisþjónusta, stjórnunarstarf, framkvæmdastjóri

Tungumálahæfni: Íslenska 5/5, enska 4/5

Staðsetning: Skaftahlíð 24, 105 Reykjavík

Nánari upplýsingar

Runólfur Pálsson

Tölvupóstur: [email protected]

Gunnar Ágúst Beinteinsson

Tölvupóstur: [email protected]

Auglýsing birt5. desember 2025

Umsóknarfrestur19. desember 2025

Tungumálahæfni