Höfði hjúkrunar- og dvalarheimili

Höfði hjúkrunar- og dvalarheimili er stofnun í eigu Akraneskaupstaðar og Hvalfjarðarsveitar. Höfði var tekin í notkun í tveimur áföngum. Sá fyrri 2.febrúar 1978 en sá síðari á árunum 1990-1992. Á heimilinu búa nú 73 íbúar í hjúkrunarrýmum , auk þess er tvö hvíldar- og skammtímarými á Höfða. Á heimilinu eru einstaklingsíbúðir, hjónaíbúðir og tvískiptar hjúkrunaríbúðir. Í hinu sameiginlega rými hússins er m.a. eldhús, matsalur, samkomusalur, herbergi fyrir starfs- og sjúkraþjálfun, iðjuþjálfun, hárgreiðslu, fótsnyrtingu, verslun, þvottahús og endurhæfingarrými. Þá er sérstakt rými fyrir dagvistun og skrifstofur. Tvær lyftur eru í húsinu og neyðarkallkerfi úr öllum íbúðum og vistarverum. Ágætt útivistarsvæði er við Höfða; stór lóð með göngustígum, púttvelli og petanqe velli. Setbekkir eru næst heimilinu ásamt bílastæðum. Útsýni frá Höfða er mjög fallegt hvert sem litið . Gott er að fara í gönguferðir á Sólmundarhöfða, niður á Langasand eða upp í skógræktarsvæði Akurnesinga. Fyrir utan dvalarheimlið stendur listaverkið „Grettistak“ eftir Magnús Tómasson.

Vinnustaðurinn

Framkvæmdastjóri Höfða

Höfði hjúkrunar- og dvalarheimili á Akranesi auglýsir stöðu framkvæmdastjóra lausa til umsóknar.

Heimilið er stofnun í eigu Akraneskaupstaðar og Hvalfjarðarsveitar og er með skipaða stjórn og sjálfstæðan fjárhag. Heimilið er aðili að Samtökum fyrirtækja í velferðarþjónustu.

Höfði rekur 75 rýma hjúkrunarheimili og dagdvöl að Sólmundarhöfða 5.

Nánari upplýsingar um heimilið eru á heimasíðu þess www.dvalarheimili.is

Framkvæmdastjóri hefur umsjón með daglegum rekstri heimilisins og ber ábyrgð á fjárreiðum þess í umboði stjórnar og framkvæmd þeirrar stefnu sem stjórnin hefur mótað.

Helstu verkefni og ábyrgð:

· Ábyrgð á daglegri stjórn og rekstri heimilisins.

· Ábyrgð á starfsmannamálum heimilisins.

· Ábyrgð á undirbúningi, framkvæmd og eftirfylgni rekstrar- og fjárhagsáætlana.

· Ábyrgð á bókhaldi, greiðslum, reikningagerð og uppgjörum.

· Gerð ársreiknings í samstarfi við endurskoðendur.

· Samskipti við eignaraðila, heilbrigðisyfirvöld, kröfuhafa, skuldunauta, fjármálastofnanir, endurskoðendur og aðra hagaðila.

· Rekstur og umsjón fasteigna heimilisins.

· Samningagerð.

· Sinnir öðrum þeim verkefnum sem stjórn felur honum og eðlilegt getur talist að rúmist innan verksviðs hans.

Menntunar- og hæfniskröfur:

· Menntun sem nýtist í starfi.