Félag fósturforeldra

Félag fósturforeldra hefur það markmið að bæta líf fósturfjölskyldna á Íslandi. Við gerum það með því að veita fræðslu og stuðning til fósturforeldra, með því að veita fósturkerfinu og stofnunum sem koma að því aðhald og með því að standa að vitundarvakningu í samfélaginu á málefnum fósturfjölskyldna.

Vinnustaðurinn

Framkvæmdastjóri Félags fósturforeldra

Félag fósturforeldra leitar eftir framkvæmdastjóra í 50-60% starf. Ráðningin er tímabundin í 6 mánuði með möguleika á framlengingu og aukningu í starfshlutfalli.

Um er að ræða nýtt og spennandi starf og því eru miklir möguleikar á að móta og þróa starfið. Félagið leitar eftir drífandi, úrræðagóðum og sjálfstæðum einstakling sem getur verið í leiðandi hlutverki við að bæta líf fósturfjölskyldna á Íslandi og við að styrkja rekstrargrundvöll félagsins. Framkvæmdastjóri vinnur náið með stjórn félagsins og verður fyrsti starfsmaður þess.

Vinnutími er sveigjanlegur og viðkomandi þarf að geta hafið störf sem fyrst.

Helstu verkefni og ábyrgð

Fjáröflun og þróun styrktarleiða.
Utanumhald og samskipti við félagsmeðlimi.
Almennur rekstur.
Kynningarstarf og utanumhald miðla.
Samskipti við stofnanir og fyrirtæki.
Verkefnastjórnun á sérstökum verkefnum og viðburðum.
Skráning á verkefnum og fyrirspurnum.
Undirbúningur fyrir stjórnarfundi.

Menntunar- og hæfniskröfur

Sjálfstæði í vinnubrögðum, drifkraftur og skipulagshæfni skilyrði.
Menntun sem nýtist í starfi.
Gott vald á íslensku og ensku, bæði í ræðu og riti.
Reynsla af fjáröflun og kynningarmálum.
Góð hæfni í mannlegum samskiptum er skilyrði.
Reynsla af vefumsjón/textagerð og efnisgerð kostur.
Þekking á málefnum fósturfjölskyldna kostur, en skilyrði að hafa áhuga á málaflokknum.
Hreint sakavottorð er skilyrði.