Framkvæmdastjóri

Við leitum að framkvæmdastjóra Heilsu, leiðtoga með brennandi metnað til að leiða vaxandi félag á heildsölumarkaði. Hjá Heilsu starfar öflugt starfsfólk sem er með það sameiginlega hlutverk að vaxa á markaði með því að veita framúrskarandi þjónustu og vera vakandi fyrir nýjum tækifærum.

Framkvæmdastjóri Heilsu ber ábyrgð á rekstri, vexti og nýsköpun og þarf því að hafa reynslu og færni til þess að axla ábyrgð á heildrænni velferð félagsins. Viðkomandi þarf því í senn að geta sinnt sölustýringu á fyrirtækjamarkaði, samböndum við erlenda birgja, framþróun mannauðs og stefnumiðaðri nálgun á tækifæri til sóknar.

Hæfnikröfur

• Framúrskarandi leiðtoga- og samskiptahæfni
• Reynsla og þekking á rekstri söludrifinna innflutningsfyrirtækja ásamt reynslu af áætlanagerð
• Haldbær þekking á heilbrigðis-, lyfja- og lækningamarkaði er kostur
• Háskólamenntun sem nýtist í starfi

Heilsa er elsta fyrirtæki á Íslandi sem sérhæfir sig í innflutningi og dreifingu á heilsusamlegum og lífrænum matvörum, fæðubótarefnum og snyrtivörum sem og vistvænum hreingerningarvörum. Heilsa sérhæfir sig einnig í samhliða innflutningi á lyfjum og sérvörum fyrir apóteksmarkað. Heilsa er hluti af fyrirtækjasamstæðu Festi.

Umsóknir óskast ásamt ferilskrá og kynningarbréfi (í einu skjali).
Umsóknarfrestur er til og með 17.nóvember.

Nánari upplýsingar veitir Kristján Pétur Sæmundsson, Brú Talent

kristjan@bru-talent.is