Samhjálp

Samhjálp var stofnað árið 1973 og hefur því starfað í rúma hálfa öld. Samhjálp rekur sjö starfsstöðvar en um 30 einstaklingar starfa hjá félaginu ásamt nokkrum fjölda sjálfboðaliða. Stærsta starfsstöðin og jafnframt sú elsta, er meðferðarheimilið Hlaðgerðarkot í Mosfellsdal en þar er pláss fyrir um þrjátíu einstaklinga í meðferð hverju sinni. Samhjálp rekur tvö áfanga- og stuðningsheimili fyrir átta karlmenn hvort, annað í Reykjavík og hitt í Kópavogi. Kaffistofa Samhjálpar sem er opin alla daga ársins og er í Borgartúni í Reykjavík. Skrifstofa Samhjálpar, sem er þjónustumiðstöð félagsins og miðstöð fjáröflunar, er í Skútuvogi 1g.

Vinnustaðurinn

Framkvæmdastjóri

Samhjálp, meðferðar- og hjálparstofnun, óskar eftir að ráða drífandi framkvæmdastjóra með ríka leiðtoga- og samskiptahæfni. Framkvæmdastjóri ber ábyrgð á daglegum rekstri og kemur fram fyrir hönd Samhjálpar.

Helstu verkefni og ábyrgð

Ábyrgð á daglegum rekstri og stjórnun
Stefnumótun í samráði við stjórn
Yfirsýn og ábyrgð á allri fjáröflun sem framkvæmd er í nafni Samhjálpar
Samskipti við opinbera aðila, fjölmiðla og aðra hagaðila
Ábyrgð á opinberum viðburðum á vegum Samhjálpar
Önnur tilfallandi verkefni

Menntunar- og hæfniskröfur

Menntun sem nýtist í starfi
Farsæl reynsla af stjórnun og rekstri
Þekking á áfengis- og vímuefnameðferð er kostur
Frumkvæði og sjálfstæði í starfi
Góð skipulagshæfni og færni til að halda utan um og vinna að fjölbreyttum verkefnum
Hæfni til að tjá sig í ræðu og riti

Samhjálp var stofnað árið 1973 og starfa 35 manns hjá félaginu. Samhjálp rekur meðferðarheimili í Hlaðgerðarkoti, tvö áfangaheimili, í Reykjavík og Kópavogi, og Kaffistofuna í Borgartúni í Reykjavík.

Umsóknum skal fylgja ferilskrá auk kynningarbréfs. Öllum umsóknum verður svarað þegar ákvörðun um ráðningu liggur fyrir. Umsóknarfrestur er til og með 13. nóvember.

Nánari upplýsingar veitir Hallveig Hafstað Haraldsdóttir, hallveig@hagvangur.is

Auglýsing birt30. október 2024

Umsóknarfrestur13. nóvember 2024

Tungumálahæfni