Framkvæmdastjóri

Vilt þú taka þátt í uppbyggingu eins stærsta flutningafyrirtækis heims á Íslandi?

Alþjóðlega flutningafyrirtækið Kuehne+Nagel opnar starfsstöð á Íslandi og leitar að drífandi og metnaðarfullum einstaklingi í stöðu framkvæmdastjóra. Viðkomandi mun stýra opnun starfsstöðvarinnar og bera ábyrgð á uppbyggingu, stefnumótun og rekstri fyrirtækisins á Íslandi með áherslu á nýsköpun og viðskiptaþróun.

Helstu verkefni og ábyrgð:

• Yfirumsjón með uppbyggingu starfsstöðvar Kuehne+Nagel á Íslandi
• Ábyrgð á daglegum rekstri og fjármálum
• Umsjón með stefnumótun, markmiðasetningu og framtíðarsýn fyrirtækisins í samvinnu við stjórn Kuehne+Nagel
• Viðskiptaþróun og uppbygging viðskiptasambanda
• Umsjón með innleiðingu og uppsetningu rafrænna lausna og tækninýjunga
• Samskipti og samstarf við starfsfólk Kuehne+Nagel erlendis

Menntunar- og hæfniskröfur:

• Háskólamenntun sem nýtist í starfi
• Að lágmarki 5 ára reynsla af stjórnun og rekstri
• Samningahæfni og þekking á þróun og innleiðingu nýrra viðskiptahugmynda
• Þekking og reynsla af flutningageiranum og flutningsþjónustu er kostur
• Framúrskarandi samskipta- og samstarfshæfni
• Leiðtogahæfni, drifkraftur og frumkvæði
• Lausnamiðuð hugsun og góð aðlögunarhæfni
• Góð tölvukunnátta. Þekking á rafrænum lausnum og tækninýjungum er kostur
• Mjög góð enskukunnátta

Um Kuehne+Nagel:
Kuehne+Nagle Group er leiðandi flutningafyrirtæki í alþjóðlegu umhverfi og býður upp á mikil tækifæri á tengslum og þróun. Kuehne+Nagel er fyrirtæki sem treystir á starfsfólk sitt og leggur mikið upp úr góðu vinnuumhverfi þar sem starfsfólki gefst tækifæri á að læra frá þeim bestu í greininni. Hjá fyrirtækinu starfa yfir 79.000 starfsmenn á 1.300 stöðum í yfir 100 löndum.

Umsóknarfrestur er til og með 30. september nk. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf á ensku. Farið verður með allar umsóknir sem trúnaðarmál og þeim svarað að ráðningu lokinni.

Nánari upplýsingar veitir Sigríður Svava Sandholt (sigridur@intellecta.is) í síma 511 1225.