Frágangur skjala og skráning skjalasafna
Þjóðskjalasafn óskar eftir að ráða starfsfólk í tímabundin störf til allt að tveggja ára við frágang og skráningu skjalasafna.
Helstu verkefni eru:
- Flokkun, frágangur og skráning ófrágenginna skjalasafna í Þjóðskjalasafni Íslands
- Flutningur á skjalaöskjum og röðun í hillur
Hæfniskröfur:
- Menntun sem nýtist í starfi
- Góð kunnátta í algengum notendaforritum
- Góð kunnátta í íslensku
- Þekking og reynsla af skjalasöfnum er kostur
- Þekking og reynsla af starfi við frágang og skráningu skjalasafna er kostur
- Kunnátta í ensku og einu Norðurlandamáli er kostur
- Mjög góð samstarfshæfni, jákvæðni og áreiðanleiki
- Sjálfstæði í vinnubrögðum, skipulagshæfni, þjónustulund og færni í samskiptum
- Gott líkamlegt atgervi er skilyrði þar sem burður á þungum skjalaöskjum er hluti starfsins
Um Þjóðskalasafn Íslands:
Þjóðskjalasafn Íslands er framkvæmdaaðili opinberrar skjalavörslu og skjalastjórnar og opinbert skjalasafn. Hlutverk safnsins er m.a. að setja reglur og veita leiðbeiningar um skjalastjórn og skjalavörslu, um frágang og afhendingu skjala-og gagnasafna auk þess að tryggja örugga varðveislu og förgun skjala jafn rafrænt sem og á pappír. Þjóðskjalasafn er stærsta safn frumheimilda um sögu íslensku þjóðarinnar og er hlutverk þess að tryggja myndun, vörslu og örugga meðferð opinberra skjala með réttindi borgaranna, hag stjórnsýslunnar og varðveislu sögu íslensku þjóðarinnar að leiðarljósi.
