Eimskip

Eimskip er alþjóðlegt flutningafyrirtæki sem sinnir gáma- og frystiflutningum í Norður-Atlantshafi og sérhæfir sig í flutningsmiðlun með áherslu á flutninga á frosinni og kældri vöru. Með siglingakerfi sínu tengir Eimskip saman Evrópu og Norður-Ameríku í gegnum Ísland. Félagið starfrækir 56 skrifstofur í 20 löndum og hefur á að skipa fjölbreyttum hópi starfsfólks en í heildina starfa um 1.700 manns af 43 þjóðernum hjá félaginu.

Vinnustaðurinn

Fræðslustjóri

Eimskip leitar að kröftugum og metnaðarfullum fræðslustjóra.

Um er að ræða fjölbreytt og spennandi starf í alþjóðlegu umhverfi hjá framsæknu og traustu fyrirtæki.

Starfið er á Mannauðs- og samskiptasviði félagsins sem starfar þvert á Eimskips samstæðuna, en sviðinu tilheyra m.a. mannauðs-, markaðs-, og samskiptamál.

Helstu verkefni og ábyrgð

Skipulagning og umsjón með fræðslu og fræðslukerfi félagsins
Framleiðsla, markaðssetning og miðlun kennsluefnis
Greining fræðsluþarfa, áætlanagerð og mat á fræðslustarfi
Náin samvinna með mannauðsteymi, stjórnendum og deildum til að samræma fræðslu við aðrar mannauðsáætlanir
Ýmis mál og verkefni tengd fræðslumálum

Menntunar- og hæfniskröfur

Menntun sem nýtist í starfi
Haldbær reynsla af fræðslumálum
Reynsla af framleiðslu, gerð stafræns efnis, markaðssetningu og miðlun kennsluefnis
Framúrskarandi íslensku- og enskukunnátta í ræðu og riti
Mjög góð tölvukunnátta og færni til að læra á ný kerfi
Mikil skipulagshæfni og jákvætt viðhorf
Sjálfsstæði, frumkvæði og hæfni til þess að vinna undir álagi
Framúrskarandi samskiptafærni og rík þjónustulund

Fríðindi í starfi

Öflugt starfsmannafélag sem rekur fjölda orlofshúsa víðs vegar um landið
Heilsu- og hamingjupakki fyrir starfsfólk sem inniheldur m.a. heilsuræktarstyrk, sálfræðiþjónustustyrk og samgöngustyrk
Farsímaáskrift og heimanet
Nútímaleg vinnuaðstaða
Spennandi verkefni í alþjóðlegu umhverfi
Sveigjanlegt og fjölskylduvænt vinnuumhverfi
Gott mötuneyti og matur niðurgreiddur fyrir starfsfólk

Nánari upplýsingar um starfið veitir Vilhjálmur Kári Haraldsson, mannauðsstjóri, vilh@eimskip.com.

Umsóknarfrestur er til og með 8. desember 2024.

Eingöngu er tekið við umsóknum á vefsíðu Eimskips, www.eimskip.is.

Farið verður með allar umsóknir sem trúnaðarmál. Hreint sakavottorð er skilyrði fyrir ráðningu.

Eimskip hefur skýra stefnu í sjálfbærnimálum og hefur sett sér metnaðarfull markmið þegar kemur að þessum málaflokkum, meðal annars að vera kolefnishlutlaus fyrir árið 2040.

Áhersla er lögð á jöfn tækifæri í góðu starfsumhverfi þar sem verkefnamiðað vinnurými skipar stóran sess.

Auglýsing birt29. nóvember 2024

Umsóknarfrestur8. desember 2024

Tungumálahæfni