Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Vinnustaðurinn

Forstöðumanneskja Orkuframleiðslu

Við leitum að framsæknum leiðtoga í framkvæmdastjórn Orku náttúrunnar.

Forstöðumanneskja orkuframleiðslu leiðir umfangsmikla starfsemi framleiðsluhliðar ON, skipuleggur- og fylgir eftir framleiðsluáætlunum og stýrir daglegum rekstri virkjana á Nesjavöllum, Andakíl og Hellisheiði, stærstu jarðvarmavirkjun í Evrópu.

Forstöðumanneskja orkuframleiðslu, sem mun sitja í framkvæmdastjórn og gegna lykilhlutverki í að fyrirtækið nái markmiðum sínum, gegnir ábyrgðarhlutverki gagnvart því að tryggja framleiðsluöryggi, vinnur að stöðugum umbótum og hámarks nýtingu auðlinda á ábyrgan hátt með öryggi, umhverfi og hagkvæmni í forgrunni.

Þeir eiginleikar sem við leitum eftir eru metnaður og áræðni í bland við framúrskarandi samstarfs- og samskiptahæfileika. Við metum víðtæka reynslu af stjórnun og rekstri mikils.

Viðkomandi þarf að búa yfir reynslu af því að gegna lykilhlutverki við stefnumótun og innleiðingu breytinga ásamt vilja til að vinna markvisst að öryggis-, jafnréttis- og umhverfismálum.

Slíkt krefst frumkvæðis og útsjónarsemi til þess að mæta þeim áskorunum sem einkenna nýsköpunar- og hátæknifyrirtæki í orkuiðnaði.

Mikilvægasti eiginleikinn er þó brennandi áhugi á orku-, sjálfbærni og umhverfismálum í víðu samhengi.

Helstu verkefni og ábyrgð

Á meðal helstu verkefna eru:

Að hámarka nýtingu auðlinda á ábyrgan og hagkvæman hátt
Leiðtoga- og stuðningshlutverk gagnvart framúrskarandi hópi fagfólks á sviði orkuframleiðslu í virkjunum ON
Ábyrgð á daglegum rekstri í samræmi við framleiðsluáætlanir, gæða- og öryggismarkmið
Tryggja framleiðsluöryggi og árangursríka rekstrarstýringu virkjana með áherslu á öruggan, umhverfisvænan og hagkvæman rekstur
Umsjón með starfsleyfisskilyrðum og fylgni við gæðamælikvarða, öryggiskröfur og aðrar reglugerðir
Samskipti og samstarf við innri og ytri hagaðila, þar á meðal birgja, þjónustuaðila og eftirlitsaðila
Þátttaka í mótun og innleiðingu stefnu og framtíðarsýnar Orku náttúrunnar
Ábyrgð á þjálfun og þróun starfsfólks, kortlagningu þekkingar og hæfniþróun teyma
Þátttaka í opinberum kynningum og móttöku gesta fyrir hönd Orku náttúrunnar ON.

Menntunar- og hæfniskröfur

Víðtæk reynsla af stjórnun og rekstri
Leiðtoga- og stjórnunarhæfileikar og færni til að leiða fjölbreytt teymi
Reynsla af ábyrgðahlutverkum við innleiðingu stefnu og breytinga
Geta og vilji til að vinna markvisst að öryggis-, jafnréttis- og umhverfismálum
Ríkir samskipta- og samstarfshæfileikar með áherslu á fagleg vinnubrögð og heiðarleika
Færni í markmiðasetningu og undirbúningi, framkvæmd og eftirfylgni aðgerða sem miða að því að framúrskarandi árangri sé náð
Góð tölvufærni og reynsla af notkun hugbúnaðar fyrir rekstrar- og framleiðslustýringu er kostur
Háskólamenntun sem nýtist í starfi er kostur

Umsókn um starfið skal fylgja ferilskrá og kynningarbréf þar sem umsækjandi gerir grein fyrir hæfni sinni í starfið m.t.t. ofangreinds.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 25. september 2024.

Nánari upplýsingar veitir Árni Hrannar Haraldsson, framkvæmdastjóri Orku náttúrunnar, í netfanginu Arni.Hrannar.Haraldsson@on.is

Af hverju Orka náttúrunnar?

Orka náttúrunnar er aflvaki sjálfbærrar framtíðar með grænni orku frá náttúru til viðskiptavina og leiðandi í nýsköpun og þróun endurnýjanlegrar orku.

Fyrirtækið framleiðir og selur rafmagn til allra landsmanna auk þess að framleiða heitt vatn fyrir höfuðborgarsvæðið.

Við rekum virkjanir á Hellisheiði, Nesjavöllum og við Andakílsá.

Við erum leiðandi í umhverfisvænum orkuskiptum á Íslandi, nýtingu auðlindastrauma og höfum sett okkur metnaðarfull loftslagsmarkmið. Við nýtum auðlindir Íslands af ábyrgð og nærgætni með það að leiðarljósi að bæta lífsgæði núna og í framtíðinni.

Hjá okkur ríkir jákvæður starfsandi sem einkennist af sterkri liðsheild, uppbyggilegum skoðanaskiptum og virðingu í samskiptum. Við bjóðum upp á fyrsta flokks aðbúnað og fjölskylduvænan vinnutíma.

Hvernig vinnustaður er Orkuveitan?

Auglýsing birt10. september 2024

Umsóknarfrestur25. september 2024

Tungumálahæfni