Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Forstöðumaður umhverfismiðstöðvar

Reykjanesbær leitar að kraftmiklum, þjónustulundum og lausnamiðuðum einstaklingi í stöðu forstöðumanns Umhverfismiðstöðvar. Forstöðumaður hefur það hlutverk að sjá til þess að samgöngumannvirki í sem víðustum skilningi séu í þannig ásigkomulagi að ekki stafi hætta af fyrir íbúa sveitarfélagsins. Að tryggja að umhirða og ástand opinna svæða, leik- og grunnskólalóða sé í lagi og standist allar opinberar kröfur.

Forstöðumaður hefur í öndvegi þá skyldu að þjóna íbúum, upplýsa íbúa um þær skyldur sem á sveitafélaginu hvíla og hvar mörkin liggja og leiðbeina þar um.

Á umhverfismiðstöð starfa um 20 manns, næsti yfirmaður er deildarstjóri umhverfismála.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni:

Yfirumsjón með viðhaldi gatna, stíga, gangstétta og annarra gatna innviða
Yfirumsjón með viðhaldi opinna útivistarsvæða, almenningsgarða og leiksvæða
Yfirumsjón vetrarþjónustu (hálkuvarna, snjó ruðnings o.fl.)
Samstarf við umhverfisstjóra um skógrækt, uppgræðslu, grasslátt, sáningu og önnur umhverfisverkefni.
Samstarf við skipulagsfulltrúa, verkefnastjóra skipulagsmála o.fl. um innleiðingu og útfærslu hraðatakmarkandi aðgerða og umferðaröryggismál.
Umsjón með stuðningi umhverfismiðstöðvar við aðrar stofnanir Reykjanesbæjar.
Viðhald á leik- og grunnskólalóðum að beiðni eignasviðs Reykjanesbæjar
Mannaforráð umhverfismiðstöðvar í umboði deildarstjóra umhverfismála.
Tekur þátt í stefnumótun sviðsins, annast gerð starfsáætlunar, fjárhagsáætlunar og ársskýrslu í samstarfi við deildarstjóra umhverfismála og sviðsstjóra
Fjárhagslega ábyrgð gangavart deildarstjóra umhverfismála. Annast áætlunargerð fyrir umhverfismiðstöð og fleiri gjaldalykla.
Samþykkir reikninga eftir ítarlega yfirferð og ber ábyrgð á uppgjöri gagnvart deildarstjóra.

Menntunar- og hæfniskröfur:

Tækni og/eða iðnmenntun er nýtist í starfi
Reynsla af verklegum framkvæmdum skilyrði
Hæfni í mannlegum samskiptum
Reynsla af verkstjórn og samningum við verktaka og þjónustuaðila æskileg
Krafa er gerð um hæfni og þekkingu á eftirliti og úttektum framkvæmda á götum, stígum, lögnum og opnum svæðum
Áhersla á virðingu, lipurð í þjónustu og lausnarmiðuð samskipti við viðskiptavini, íbúa, verktaka og samstarfsmenn
Góð almenn tölvukunnátta. Hæfni í Word og Excel æskileg
Skipulagsfærni, frumkvæði og sjálfstæði í vinnubrögðum
Góð íslenskukunnátta í töluðu og rituðu máli skilyrði

Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um starfið á vef Reykjanesbæjar undir Laus störf. Umsókn um starfið skal fylgja skrá yfir menntun og starfsferil. Einnig er óskað eftir kynningarbréfi þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Gunnar Ellert Geirsson deildarstjóri umhverfismála, netfang Gunnar.E.Geirsson@reykjanesbaer.is S. 421-6700.

Auglýsing stofnuð12. september 2023

Umsóknarfrestur2. október 2023

Starfstegund

Staðsetning

Fitjabraut 1C, 260 Reykjanesbær

Hæfni